İdman

Coşqun Əliyev qızıl medal qazanıb - (Foto)

29 Avqust 2026 20:37

Baxış: 1 026

VTB-də minimal faiz dərəcəsi ilə nağd kredit 9.9%-dən

#CÜDO

Azərbaycanın deflimpiya cüdoçusu Coşqun Əliyev İsveçrənin Lozanna şəhərində ilk dəfə keçirilən "Ecole Mont-Olivet Deaf Judo Masters Top 18" turnirində qızıl medal qazanıb.

Milli.Az xəbər verir ki, bu barədə Azərbaycan Deflimpiya Komitəsi məlumat yayıb.

Bildirilib ki, 60 kq çəki dərəcəsində mübarizə aparan idmançı dairəvi sistem üzrə keçirilən yarışda üç görüş keçirib.

Yarışa inamlı start verən C.Əliyev ilk görüşündə 2025-ci il deflimpiya çempionu, braziliyalı Dantes Pedro ilə qarşılaşıb.

Təmsilçimiz rəqibini 2:0 hesabı ilə məğlub edib.

İkinci görüşdə qazaxıstanlı Aktınberk Kakitayevə 0:1 hesabı ilə uduzsa da, cüdoçu son qarşılaşmada türkiyəli Nurullah Dündarı ipponla məğlub edərək turnirin qalibi olub.

Beləliklə, C.Əliyev qızıl medal qazanaraq "Masters Top 18" turnirinin ilk azərbaycanlı qalibi kimi tarixə düşüb.

Bu nəticə ilə eşitmə qabiliyyəti məhdud idmançılar arasında Azərbaycan cüdosunda daha bir ilkə imza atılıb.

Müəllif: Ülkər Vəliyeva (Milli.Az redaktor)