İdman

İngiltərə nəhəngi Osimhenə "elçi düşdü"

14 Avqust 2026 13:54

Baxış: 354

VTB-də minimal faiz dərəcəsi ilə nağd kredit 9.9%-dən

#TRANSFERLƏR #QALATASARAY #FUTBOL #ARSENAL

İngiltərənin "Arsenal" klubu Türkiyənin "Qalatasaray" komandasında çıxış edən hücumçu Viktor Osimhenin mümkün transferi ilə bağlı danışıqlara başlayıb.

Milli.Az AZƏRTAC-a istinadən bildirir ki, bu barədə "The Telegraph" məlumat yayıb. 27 yaşlı nigeriyalı futbolçu London təmsilçisinin hücum xəttini gücləndirmək üçün əsas namizədlərdən birinə çevrilib.

"Arsenal" digər transfer hədəfləri ilə danışıqlarda yaranan çətinliklərdən sonra Viktor Osimhenə diqqət yönəldib. Əvvəlcə London klubunun əsas transfer hədəfinin Madrid "Atletiko"sunun hücumçusu Xulian Alvares olduğu bildirilsə də, İspaniya təmsilçisi argentinalı futbolçunu satmaq istəmir.

Osimhenin adı "Arsenal" və "Qalatasaray" arasında bir neçə futbolçu ilə bağlı aparılan danışıqlar zamanı gündəmə gəlib. Türkiyə klubu daha əvvəl Qabriel Martinelli üçün 45 milyon avro təklif edib. "Arsenal" isə 19 yaşlı İtan Nvanerini 40 milyon avro qarşılığında İstanbul təmsilçisinə göndərməyə hazırdır.

Müəllif: Tural Hüseyn (Milli.Az redaktor)