2026-cı ilin transfer mövsümünün klubsuz ulduzları

İyulun 1-i Avropa futbolunda müqəddəs və yüzlərlə aparıcı oyunçunun müqavilələrinin rəsmi olaraq başa çatdığı bir tarixdir. Lakin bu il vəziyyət unikaldır: Dünya çempionatı hazırda ABŞ, Kanada və Meksikada davam edir, onlarla tanınmış beynəlxalq ulduz isə hazırda klubsuzdur.

Milli.Az lent.az-a istinadən bildirir ki, bəziləri hələ də milli komandalarını 2026-cı il Dünya çempioantının pley-off mərhələsinə aparır (məsələn, Məhəmməd Salah), digərləri zədələri müalicə edir və ya danışıqlar aparır, amma fakt budur: bu oğlanlar bir qəpik də olsun kompensasiya tələb etməyəcəklər.

Bu inanılmaz azad agent komandasının 2026-cı ilin iyul ayı üçün tam siyahısı:

• Qapıçılar: Vozinya, Ştefan Orteqa, İlan Mele.

• Müdafiəçilər: David Alaba, Con Stous, Dani Karvahal, Aleksandr Zinçenko, Malanq Sarr, Dioqo Leyte, Danilo Duhi, Erik Bayi, Tarik Lempti, Zeki Çelik, Oskar Minqesa, Krepin Diatta, Rafael Qerreyro.

• Yarımmüdafiəçilər: Luka Modriç, Leon Qoretska, İv Bissuma, Fabinyo, Frank Kesse, Hidemasa Morita, Ksaver Şlaqer, Yulian Brandt, Daiti Kamada, Dani Sebalos, Bilal Nadir.

• Hücumçular və cinah oyunçuları: Duşan Vlahoviç, Məhəmməd Salah, Rahim Sterlinq, Paulo Dibala, Mauro İkardi, Vinsent Yanssen, Adama Traore, Patson Daka, Bamba Denq. 

Bu siyahının əsas intriqaları:

Məhəmməd Salah "Liverpul"da doqquz illik möhtəşəm bir dövrə son qoyub. İndi o, Dünya çempionatında Misir millisi üçün yarışır, Səudiyyə Ərəbistanı və İtaliya klubları isə artıq nağd pulla dolu çamadanlarla növbəyə düzülüblər.

Duşan Vlahoviç tortun ən dadlı hissəsidir. 26 yaşlı serbiyalı oyunçu hazırda ən yaxşı vaxtını keçirir, "Yuventus"la maliyyə razılığına gələ bilməyib və hazırda "Barselona"ya transfer olunmaq üçün aktiv şəkildə çalışdığı barədə şayiələr gəzir.

Uulian Brandt və Leon Qoretska gözlənilmədən müvafiq olaraq "Borussiya" və "Bayer" komandalarını tərk ediblər və karyeralarının ilk ciddi xarici təcrübəsinə hazırdırlar.

Bu oyunçulardan Çempionlar Liqasında asanlıqla mübarizə apara biləcək bir heyət qura bilərsiniz. Kim və hara keçməlidir?

Müəllif: Tural Hüseyn (Milli.Az redaktor)