İdman

Fransalı məşhur futbolçu karyerasını başa vurdu

1 İyun 2026 15:00
Baxış: 356
VTB-də minimal faiz dərəcəsi ilə nağd kredit 9.9%-dən
#FRANCE #FUTBOL

Fransa millisinin və Meksikanın "Tiqres" klubunun sabiq hücumçusu A Andre-Pyer Jinyak peşəkar futbolçu karyerasını başa çatdırdığını açıqlayıb.

Milli.Az xəbər verir ki, 40 yaşlı forvard uzun illər davam edən uğurlu futbol yoluna nöqtə qoymaq qərarına gəlib. Təcrübəli hücumçu karyerası ərzində Fransanın "Loryan", "Tuluza", "Marsel" və "Po" komandalarının formasını geyinib.

Jinyak Fransa futbolunda iki dəfə Liqa Kubokunu, bir dəfə isə Superkuboku qazanmağı bacarıb. O, 2015-ci ildən çıxış etdiyi "Tiqres"də isə klub tarixinin ən yaddaqalan oyunçularından birinə çevrilib. Hücumçu Meksika təmsilçisinin heyətində beş çempionluq sevinci yaşayıb, həmçinin KONKAKAF Çempionlar Kubokunun qalibi olub.

Təcrübəli futbolçu klub karyerası ərzində keçirdiyi 825 oyunda 359 qola imza atıb. Fransa millisində 36 matça çıxan Jinyak 7 dəfə rəqib qapılarına yol tapıb. O, həmçinin 2016-cı ildə keçirilən  Avropa çempionatında gümüş medal qazanan Fransa yığmasının üzvlərindən biri olub.

Hüseyn
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.