İdman

UEFA Avropa Liqası: “Aston Villa” darmadağınla adını finala yazdırdı

8 May 2026 09:00

Baxış: 380

VTB-də minimal faiz dərəcəsi ilə nağd kredit 9.9%-dən

#AVROPA LİQASI #FUTBOL

UEFA Avropa Liqasında yarlmfinal cütlüklərinin cavab oyunları keçirilib.

Milli.Az İdman.Biz-ə istinadən bildirir ki, "Aston Villa" "Nottingem Forest"i qəbul edib. Oyun ev sahibi komandanın 4:0 hesablı qələbəsi ilə bitib.
Birminhemlilərin hücumçusu Olli Uotkins 36-cı dəqiqədə hesabı açıb. İkinci hissədə, 58-ci dəqiqədə hücumçu Emiliano Buendiya penaltidən "Aston Villa"nın ikinci qolunu vurub. 77-ci dəqiqədə ev sahibi komandanın yarımmüdafiəçisi Con Makginn hesabı 3:0 edib. Makginn 80-ci dəqiqədə ikinci qolunu vurub.

"Nottingem Forest" ilk oyunda 1:0 hesabı ilə qalib gəlmişdi. Beləliklə, "Aston Villa" Avropa Liqasının finalına vəsiqə qazanıb.

Digər yarımfinal oyununda "Frayburq" "Braqa"nı qəbul edib. Oyun ev sahibi komandanın 3:1 hesablı qələbəsi ilə başa çatıb.

19-cu dəqiqədə ev sahibi komandanın müdafiəçisi Lukas Kübler hesabı açıb. Birinci hissənin sonlarında, 41-ci dəqiqədə yarımmüdafiəçi Yohan Manzambi "Frayburq"un ikinci qolunu vurub. İkinci hissədə, 72-ci dəqiqədə Lukas Kübler dubl edib. 79-cu dəqiqədə "Braqa"nın hücumçusu Pau Viktor fərqi azaldıb.

Portuqaliya komandası ilk oyunda 2:1 hesabı ilə qalib gəlmişdi. Beləliklə, "Frayburq" Avropa Liqasının finalına yüksəlib.

Milli.Az