İdman

Mourinyonun yeni mövsümdəki komandası bəlli oldu

9 Aprel 2026 00:10
Baxış: 8 614
VTB-də minimal faiz dərəcəsi ilə nağd kredit 9.9%-dən
#FUTBOL

"Benfika"nın prezidenti Rui Koşta portuqaliyalı mütəxəssis Joze Mourinyonun gələcəyi ilə bağlı müzakirələrə son qoyub. Klub rəhbəri Mourinyo ilə yola davam edəcəklərini rəsmən açıqlayıb.

Milli.Az xəbər verir ki, Rui Koşta bildirib ki, Mourinyonun gələcəyi ilə bağlı klub rəhbərliyinin heç bir tərəddüdü yoxdur:

"Çox böyük bir sürpriz olmasa, gələn il də onunla davam edəcəyik. Ona olan etimadımız tamdır."

"Fənərbaxça"dan ayrıldıqdan sonra "Benfika"nın sükanı arxasına keçən "Xüsusi biri"nin (The Special One) Portuqaliya təmsilçisi ilə 2027-ci ilə qədər müqaviləsi var.

Buna baxmayaraq, tərəflər arasındakı razılaşmaya görə, 2025-26 mövsümünün son oyunundan sonrakı 10 gün ərzində həm klubun, həm də Mourinyonun müqaviləni birtərəfli qaydada ləğv etmək hüququ mövcuddur. Rui Koştanın bu açıqlaması sözügedən bəndin istifadə olunmayacağı və əməkdaşlığın davam edəcəyi mənasına gəlir.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.