İdman

Devid Bekhemin 26 illik rekordunu YENİLƏDİ

16 Mart 2026 10:00

Baxış: 1 562

VTB-də minimal faiz dərəcəsi ilə nağd kredit 9.9%-dən

#MARAQLI #MANÇESTER YUNAYTED #FUTBOL #REKORD

İngiltərə Premyer Liqasının 30-cu turunda "Mançester Yunayted" doğma meydanda Aston Villa üzərində inamlı qələbə qazanıb.

Milli.Az xarici mətbuata istinadən xəbər verir ki, qarşılaşma meydan sahiblərinin 3:1 hesablı üstünlüyü ilə yekunlaşıb. "Qırmızı şeytanlar"ın heyətində qolları Kasemiro (53-cü dəqiqə), Mateyus Cunha (71-ci dəqiqə) və Benjamin Şeşko (81-ci dəqiqə) vurublar. Qonaq komandanın yeganə qoluna isə 64-cü dəqiqədə Ross Barkley imza atıb.

Oyunda xüsusi performans göstərən Bruno Fernandeş iki məhsuldar ötürmə ilə komandasının qələbəsində mühüm rol oynayıb. Portuqaliyalı yarımmüdafiəçi bununla cari mövsümdə Premyer Liqada məhsuldar ötürmələrinin sayını 16-ya çatdıraraq klub tarixində yeni rekord müəyyənləşdirib. Əvvəlki rekord isə 1999/2000 mövsümündə Devid Bekhemə məxsus idi.

Qeyd edək ki, Premyer Liqa tarixində bir mövsümdə ən çox məhsuldar ötürmə rekordu 20 assistlə Tieri Anri (2002/03) və Kevin De Bruyneyə (2019/20) məxsusdur.

Bu qələbədən sonra "Mançester Yunayted" xallarının sayını 54-ə yüksəldərək turnir cədvəlində üçüncü pillədə mövqeyini daha da möhkəmləndirib. Aston Villa isə 51 xalla dördüncü yerdə qərarlaşıb.

Hazırda İngiltərə Premyer Liqasının turnir cədvəlinə 70 xalla Arsenal başçılıq edir. Mövsümün başa çatmasına isə hələ 8 tur qalır.

Hüseyn
Milli.Az