İdman

PSJ-də gərgin vəziyyət

14 Fevral 2026 19:53
Baxış: 342
VTB-də minimal faiz dərəcəsi ilə nağd kredit 10.49%-dən
#PSJ

Fransa çempionatının son turunda səfərdə "Renn"ə məğlub olan PSJ-də gərgin vəziyyət yaranıb.

Milli.Az oxu.az-a istinadən xəbər verir ki, oyundan sonra klubun əsas oyunçusu Usman Dembelenin açıqlamasına baş məşqçi Luis Enrike sərt reaksiya verib.

"Klub üçün oynamalı və öz ambisiyalarımız haqqında düşünməməliyik. Fərdi oynasaq, bu işə yaramayacaq və titullar qazana bilməyəcəyik", - deyə Dembele acı məğlubiyyətdən sonra bildirib.

Enrikenin futbolçunun açıqlamasına cavabı çox gecikməyib:

"Final fitindən sonra oyunçular tez-tez emosional danışır, nəticəni qiymətləndirirlər. Amma mən heç vaxt heç kimin şəxsi maraqlarını klubun maraqlarından üstün tutmasına icazə verməyəcəyəm. Buna əmin ola bilərsiniz.

Bu cür açıqlamaların heç bir əhəmiyyəti yoxdur. Bunlar sadəcə matç bitdikdən sonra yaranan emosiyalardır.

Seçdiyimiz istiqamətdə irəliləyirik. Təbii ki, məğlubiyyətdən sonra məyusluq başlayır - bu normaldır. Lakin mənim üçün komanda həmişə fərdi oyunçulardan daha vacib olacaq. Əgər bu prinsip pozularsa, bu, sonun başlanğıcı olacaq".

Qeyd edək ki, dünən "Renn"ə 3:1 hesabı ilə uduzan PSJ 22 oyundan sonra 51 xalla turnir cədvəlinə başçılıq edir. İkinci yerdə mövqe tutan "Lans" liderdən iki xal geri qalır. "Lans" bu gün səfərdə "Paris"ə qalib gəlsə, PSJ liderliyi əldən verəcək.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.