İdman

"Qarabağ"ın "Liverpul"la oyununa biletlərin qiyməti məlum oldu

9 Yanvar 2026 11:54

Baxış: 1 382

VTB-də minimal faiz dərəcəsi ilə nağd kredit 10.49%-dən

#AZƏRBAYCAN FUTBOLU #ÇEMPİONLAR LİQASI #QARABAĞ #FUTBOL #LİVERPUL #BİLET

UEFA Çempionlar Liqasının liqa mərhələsi çərçivəsində İngiltərədə "Liverpul" və "Qarabağ" arasında keçiriləcək matçın biletləri bu gün satışa çıxarılacaq.

Ağdam klubundan Milli.Az-a verilən məlumata görə, azərbaycanlı azarkeşlər üçün ayrılmış vauçerlər saat 12:00-dan etibarən iTicket.az saytında satışda olacaq. Biletlərin qiyməti 115 manat təşkil edir.

Bildirilib ki, vauçerlər ilkin olaraq iTicket.az-dan əldə ediləcək, oyun gününə qədər isə göstərilən e-mail ünvanına göndəriləcək.

Matçın keçiriləcəyi "Enfild" stadionunda "Qarabağ" azarkeşləri üçün 1250 yer ayrılıb. Təhlükəsizlik məqsədilə yalnız A5 ölçüsünü keçməyən əl çantası (148.5 x 210 millimetr) ilə girişə icazə veriləcək.

Qeyd edək ki, yanvarın 28-dən 29-na keçən gecə təşkil olunacaq "Liverpul" - "Qarabağ" oyunu Bakı vaxtı ilə saat 00:00-da başlayacaq.

Milli.Az