İdman

Salahlı Misirdən yeni REKORD

23 Dekabr 2025 12:36
Baxış: 2 177
VTB-də minimal faiz dərəcəsi ilə nağd kredit 9.9%-dən
#AFRİCA #FUTBOL #MİSİR #MƏHƏMMƏD SALAH

Misir millisi Afrika Millətlər Kubokunda Zimbabve yığmasına qarşı keçirdiyi oyunda hücum göstəriciləri ilə diqqət çəkib.

Milli.Az-ın xəbərinə görə, statistika şirkəti OptaJean bu məlumatı "X" sosial şəbəkə hesabında paylaşıb. Bildirilib ki, Misir yığması qarşılaşma ərzində rəqib qapısına 35 dəfə zərbə endirib və 8 real qol epizodu yaradıb. Qeyd olunan bu göstəricilər 2010-cu ildən sonra Afrika Millətlər Kuboku oyunları üçün rekord hesab olunur.

Qrup mərhələsinin ilk turunda baş tutan qarşılaşmada Misir millisi Zimbabveni 2:1 hesabı ilə məğlub edib. Matçın taleyini isə əlavə vaxtda - 90+1-ci dəqiqədə fərqlənən hücumçu Məhəmməd Salah həll edib.

Xatırladaq ki, Misir B qrupunda mübarizə aparır. Bu qrupda Misir və Zimbabvedən başqa Cənubi Afrika Respublikası və Anqola yığmaları da yer alır. Qrup mərhələsinin 2-ci və 3-cü tur oyunları 26 və 29 dekabr tarixlərində keçiriləcək.

Hüseyn
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.