İdman

Athletic Bilbao tarixində ilk türk futbolçu transferi

8 Sentyabr 2025 00:13

Baxış: 1 283

VTB-də minimal faiz dərəcəsi ilə nağd kredit 9.9%-dən

#FUTBOL

1912-ci ildən bəri yalnız Bask bölgəsində doğan və ya yetişən futbolçuları heyətinə qatan Athletic Bilbao, klub tarixində ilk dəfə bir türk futbolçunu transfer etməyə hazırlaşır. San Sebastian doğumlu Efe Korkut, La Liqa təmsilçisinin yeni oyunçusu olacaq.

Mundo Deportivonun məlumatına görə, Bilbao, hazırda Almaniyanın Stuttgart klubunda çıxış edən 19 yaşlı yarımmüdafiəçi ilə razılıq əldə edib.

Tarixində 1912-ci ildən bu yana yalnız Bask bölgəsi mənşəli oyunçuları heyətinə qatan Bilbao, Efe Korkutun transferi ilə ilk dəfə bir türk futbolçunu heyətinə qatmış olacaq.

Stuttgart U19 komandasında çıxış edən Efe Korkut, ötən mövsüm 31 oyunda forma geyinib, 7 qol vurub və 8 qolun ötürməsini verib.

Bu transfer, həm Athletic Bilbao, həm də türk futbol tarixi üçün mühüm hadisə kimi dəyərləndirilir.

Lalə Qüdrətova
Milli.Az