İdman

"İnter" - "River Pleyt" matçında kütləvi DAVA - FOTO

26 İyun 2025 14:27

Baxış: 1 408

VTB-də minimal faiz dərəcəsi ilə nağd kredit 9.9%-dən

#İNTER #FUTBOL #DAVA #AZARKEŞ

FIFA klublararası dünya çempionatında "İnter"in 2:0 hesabı ilə "River Pleyt"ə qalib gəldiyi matçda oyunçular arasında dava düşüb.

Bu barədə "Haber Global" xəbər verir.

Məlumata görə, matçın əsas vaxtına əlavə edilmiş 5-ci dəqiqədə Qonsalo Montiel qırmızı vərəqə alaraq meydandan qovulub. Lakin hadisələr bununla bitməyib. Final fitinin çalınması ilə meydanda xaos yaranıb. "River Pleyt"in oyunçusu Markos Akuna hirsini cilovlaya bilməyərək, "İnter"in futbolçusu Denzel Dumfrisin üzərinə hücum çəkib. Həmçinin tribunalardan Dumfrisə doğru yad əşyalar atılıb. Təhlükəsizlik qüvvələri hadisəyə müdaxilə etməli, Akunanın qarşısını almağa çalışıblar.

FIFA-nın hadisə ilə bağlı intizam araşdırması başladacağı gözlənilir. Xüsusilə də Akunanın davranışı və azarkeşlərin meydançaya yad əşyalar atması "River Pleyt" üçün ciddi cəzalarla nəticələnə bilər. /Oxu.Az

Milli.Az