İdman

"İndi atalarının onlara qalib gəldiyini gördülər"

9 İyun 2025 14:44
Baxış: 963
VTB-də minimal faiz dərəcəsi ilə nağd kredit 9.9%-dən
#KRİŞTİANU RONALDU #FUTBOL #UEFA MİLLƏTLƏR LİQASI #MİLLƏTLƏR LİQASI

"Çox xoşbəxtəm. Əvvəla, Portuqaliya millisinin bu nəsli titullara layiqdir. Mənim bir çox titullarım var, amma ölkəm üçün qazanmaqdan gözəl bir şey yoxdur".

Milli.Az xəbər verir ki, bu sözləri Portuqaliya millisinin kapitanı Kriştiano Ronaldo UEFA Millətlər Liqasının finalında İspaniyaya qalib gəldikləri oyundan sonra keçirilən brifinqdə deyib.

Portuqaliya millisi matçın 61-ci dəqiqəsində Ronaldonun qolu ilə hesabı 2:2 edib və oyun penaltilərə qədər uzanıb. Burada isə daha dəqiqə olan (5:3) portuqallar turnirin qalibi olub.

Ronaldo qələbə təəssüratlarını belə bölüşüb: "Göz yaşları və uğur hissi... Çox gözəldir. Bu bizim millətdir. Biz kiçik xalq olsaq da, böyük ambisiyalarımız var. Millinin bu nəslinin kapitanı olmaq qürur mənbəyidir".

40 yaşlı hücumçu ispaniyalı sevgilisi Corcina Rodrigesdən olan uşaqları ilə oyundan bir neçə gün əvvəl etdiyi söhbətindən də danışıb: "Uşaqlarım həm də ispandırlar və evdə məni əsəbləşdirmək üçün deyirdilər ki, kubok İspaniyanındır.  İndi atalarının İspaniyaya qalib gəldiyini gördülər. Buna görə də mənə daha çox hörmət edəcəklər". /QOL.az 

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.