İdman

““Zirə” buna görə 2 mövsümdür medallar qazanır”

17 May 2025 12:18
Baxış: 1 014
VTB-də minimal faiz dərəcəsi ilə nağd kredit 9.9%-dən
#AZƏRBAYCAN FUTBOLU #FUTBOL #ZİRƏ FK

Azərbaycan Premyer Liqasında mövsümün sonuna iki tur qalıb.

34 turdan sonra "Qarabağ"ın çempion olacağı, "Zirə"nin gümüş medalları qazanacağı və "Səbail"in liqanı tərk edəcəyi dəqiqləşib.

Veteran futbolçu, son olaraq "Kəpəz"ə rəhbərlik etmiş Adil Şükürov "Futbolpress.az"a açıqlamasında Bayıl klubunun elitanı tərk etməsinə münasibət bildirdi:

"Səbail"də ötən mövsümün sonunda bir çox aparıcı oyunçu klubu tərk etdi. Onları əvəzləməyə layiq oyunçu tapılmadığı üçün "Səbail"in mövsümdə ciddi iddiasının olmayacağı məlum oldu. Mövsümə Şahin Diniyevlə başladılar və sonra yenidən məşqçi dəyişikliyinə getdilər. Komandanın elitanı tərk etməsinin səbəblərindən biri futbolçuların ustalıq səviyyələrini tam göstərə bilməməsidir. Bəzən komanda oyununda boşluqlar olur, bəzən də daha çox nəticə tələb edildiyi üçün təzyiq altında oldular".

Şükürov "Zirə"nin gümüş medalları qazanmasından da söz açdı:

"Zirə" daha əvvəl qapanan, yorucu futbol oynayırdı. Bu mövsüm isə daha rəngarənd komanda var idi. Klubun fəxri prezidenti Orxan Məmmədov artıq 5 ildir, klubda çalışan Rəşad Sadıqova qarşı səbirli oldu və bəzən də güzəştə getdi. İndi bunun nəticəsidir ki, komanda son iki mövsümdə medallar qazandı. Bəzi klub idarəçiləri Orxan Məmmədovdan fərqli olaraq ilk mövsümdə nəticə qazanılmayanda məşqçi dəyişikliyini gündəmə gətirir. Bununla da müəyyən müddətdə qurulan komanda dağılır, yenidən yaradılmağa başlayır. "Zirə"nin son uğurlarında əsas pay sahibi kimi Orxan Məmmədovu qeyd etmək istərdim".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.