İdman

Mourinyo ilə yollar ayrılır – Yeni baş məşqçi o olacaq

16 Aprel 2025 09:44
Baxış: 6 888
VTB-də minimal faiz dərəcəsi ilə nağd kredit 9.9%-dən
#İDMAN #TÜRKİYƏ #FƏNƏRBAĞÇA #FUTBOL

Xəbər verdiyimiz kimi, "Fənərbağça"nın baş məşqçisi Joze Mourinyonun gələcəyi sual altındadır. Komandanın uğursuz çıxışı, xüsusilə Türkiyə Kuboku və Avropa turnirlərində erkən vidalaşması, portuqaliyalı mütəxəssisin tənqidlərə tuş gəlməsinə səbəb olub.

Milli.Az xəbər verir ki, hazırda Superliqada "Qalatasaray"dan 3 xal geridə olan "Fənərbağça" yalnız liqa çempionluğu uğrunda mübarizəni davam etdirir. Klub daxilindən gələn məlumatlara görə, Mourinyo çempionluğu qazanmasa, mövsüm sonunda komandadan ayrılacaq.

İspaniyanın AS nəşri yazır ki, rəhbərlik qərarı mövsümün sonunda verəcək. Bu arada "Fənərbağça"ya yaxınlığı ilə tanınan jurnalist İrfan Yirmibeş klub prezidenti Ali Koçun Sergen Yalçını yeni mövsüm üçün namizəd kimi düşündüyünü bildirib.

Mourinyonun meydandankənar davranışları da diqqət mərkəzindədir. Xüsusilə "Qalatasaray"la oyunda baş məşqçi Okan Burukla yaşanan gərginlik və iradəli çıxışları gündəmdən düşmür.

Fidan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.