İdman

Planşeti sındıran Qurban Qurbanova niyə cəza verilmədi - AÇIQLAMA

4 Aprel 2025 11:43

Baxış: 2 894

VTB-də minimal faiz dərəcəsi ilə nağd kredit 9.9%-dən

#FUTBOL #QURBAN QURBANOV

"Araz-Naxçıvan"a qarşı Azərbaycan Kubokunun yarımfinal mərhələsinin ilk oyununda texniki zonada planşeti sındıran "Qarabağ"ın baş məşqçisi Qurban Qurbanovun cəzalanmamasının səbəbi açıqlanıb.

Milli.Az xəbər verir ki, bu barədə "Report"a AFFA İntizam Komitəsinin sədri Erkin Hüseynov açıqlama verib.

O, mütəxəssisin etdiyi hərəkətə heç bir cəzanın düşmədiyini bildirib:

"O, öz planşetini sındırıb. Təpiklə sındırdığı planşetin hissələri meydana düşsəydi, kiməsə dəysəydi, cəza veriləcəkdi. Heç kimə xətər yetirmədi, oyun dayanmadı, hakim tərəfindən sarı və ya qırmızı vərəqə də verilmədi. İntizam Komitəsi AFFA nümayəndəsi və referinin yazdıqlarına əsasən qərar çıxarır. Nəyə əsasən cəza verək? Apellyasiya şikayəti versəydilər, udacaqdılar. Bəzi şeylər var ki, cəzaya düşür, bəziləri isə düşmür. Biz İntizam Məcəlləsinə əsasən qərarları açıqlayırıq".

Qeyd edək ki, "Qarabağ" "Araz-Naxçıvan"a 0:1 hesabı ilə uduzub. Tərəflər arasında cavab görüşü aprelin 23-də reallaşacaq.

Milli.Az