PUL
.jpg)
.jpg)
.jpg)
"Real Madrid" İspaniya Futbol Kubokunun yarımfinal mərhələsinin cavab oyununda "Real Sosyedad" ilə əlavə vaxtda 4-4 bərabərə qalıb və turnirin finalına yüksəlib.
Milli.Az-ın məlumatına görə, görüş Madriddə "Santyaqo Bernabeu" stadionunda baş tutub.
Qarşılaşmanın 16-cı dəqiqəsində "Real Sosyedad"ın hücumçusu Ander Barreneçea hesabı açıb. 30-cu dəqiqədə "Real Madrid"in hücumçusu Endrik hesabda bərabərliyi bərpa edib. 72-ci dəqiqədə "Real Madrid"in müdafiəçisi David Alaba avtoqola imza atıb. 80-ci dəqiqədə hücumçu Mikel Oyarsabal baskların üçüncü qolunu vurub.
İkinci hissənin sonunda Madrid klubu yenidən hesabı bərabərləşdirə bilib. Yarımmüdafiəçilər Cud Bellinhem və Orelyen Tçouameni fərqlənib. İkinci hissəyə əlavə edilmiş vaxtda Oyarsabal dubla imza ataraq komandaları əlavə vaxta göndərib.
Qarşılaşmanın 115-ci dəqiqəsində Antonio Rüdiger həlledici qola imza atıb.
Beləliklə, "Real Madrid" 2024/2025-ci illər mövsümündə İspaniya Kubokunun ilk finalçısı olub. Digər yarımfinalçı isə "Atletiko Madrid" - "Barselona"nın cavab matçının nəticələrinə görə müəyyənləşəcək. İlk görüş 4:4 hesabı ilə başa çatıb. /Report
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
