İdman

Ronaldoya 99 şallaq vuruluacaq? - İran Səfirliyindən AÇIQLAMA

5 Mart 2025 12:35

Baxış: 1 709

#IRAN #İDMAN #KRİŞTİANU RONALDU #FUTBOL

"Əl Nəsr" klubunun ulduz futbolçusu Cristiano Ronaldonun İranda "99 şallaq" cəzası alacağı ilə bağlı yayılan iddialara rəsmi cavab gəlib.

Milli.Az xəbər verir ki,İran səfirliyi bu xəbərləri qəti şəkildə təkzib edib.

Səfirlik "talkSPORT" platformasına verdiyi açıqlamada bildirib ki, "İranda beynəlxalq idmançıya qarşı məhkəmə qərarının çıxarılması ilə bağlı iddiaları qəti şəkildə rədd edirik". Açıq şəkildə vurğulanıb ki, Ronaldo ilə əlil iranlı sənətçi Fatemeh Hammami arasındakı görüş "səmimi və humanist" bir jest kimi dəyərləndirilib və İran xalqı bu görüşü müsbət qarşılayıb.

Xatırladaq ki, həmin məsələ 2023-cü ildə baş verib. Ronaldo "Persepolis" klubu ilə oyundan əvvəl Fatemeh Hammami ilə görüşüb, onun hədiyyə etdiyi rəsmləri qəbul edib və səmimi anlar yaşayıb. Lakin daha sonra İran qanunlarını pozaraq evli qadına toxunduğu iddia olunub və bu "99 şallaq cəzası" ilə bağlı şayiələrin yayılmasına səbəb olub.

Portuqaliyalı ulduzun AFC Çempionlar Liqasında İranın "İstiqlal" klubu ilə səfər matçına aparılmaması bəzi iddialara yol açsa da, rəsmi açıqlamalarda bildirilib ki, Ronaldo sadəcə əzələ yorğunluğu səbəbindən dincəlməyə qərar verib.

Fidan
Milli.Az