İdman

Məşhur klubdan "Qalatasaray"ın türk ulduzuna 25 milyonluq təklif - FOTO

10 Yanvar 2025 20:00

Baxış: 6 539

VTB-də minimal faiz dərəcəsi ilə nağd kredit 9.9%-dən

#MARAQLI #TRANSFERLƏR #QALATASARAY #FUTBOL #PREMYER LİQA #TRANSFER

Mövsümün əvvəlində Kərəm Aktürkoğlunu "Benfika"ya satan "Galatasaray" klubunun daha bir futbolçusu İngiltərə klubunun diqqət mərkəzinə düşüb.

Milli.Az xəbər verir ki, Premyer Liqa təmsilçisi "Nottingham Forest" Barış Alper Yılmaz üçün "CimBom"a bonuslarla birlikdə 25 milyon avro təklif edib.

İstanbul təmsilçisi bu təklifi rədd edib. Klub rəhbərliyi Barış Alperi satmaq istəmədiyini bildirərək, oyunçunun müqaviləsini maaşını artırmaqla uzatmaq qərarı verib.

Qeyd edək ki, "Nottingham Forest" klubu cari mövsümdə 9 qola imza atan 24 yaşlı futbolçunun transferindən vaz keçmir. İngilis klubu Barışın performansını izləməyə davam edir və yenidən "Galatasaray"ın qapısını döyməyə hazırlaşır.

Məlumat üçn bildirək ki, Barış Alper Yılmaz bu mövsüm 26 matçda 6 fərqli mövqedə çıxış edib. Sağ cinahda oynadığı 9 matçda 4 qol və 1 asistlə fərqlənib. Sol cinahdakı 7 qarşılaşmada isə 3 qol vurub. Sağ mərkəz yarımmüdafiədə oynadığı 5 oyunda rəqib qapılarını 2 dəfə silkələyib. Oyunçu həmçinin sağ müdafiə, mərkəz hücumçu və sol müdafiə mövqelərində də yer alıb. /baku.ws

Milli.Az