İdman

Həbib Nurmaqomedov: "60 yaşında 20 milyon dollar qazanmaq..."

5 Dekabr 2024 13:53

Baxış: 3 149

VTB-də minimal faiz dərəcəsi ilə nağd kredit 9.9%-dən

#MARAQLI #BOKS #MMA #İDMANÇI #HƏBİB NURMƏHƏMMƏDOV

UFC-nin sabiq çempionu Həbib Nurmaqomedov əfsanəvi boksçu Mayk Tayson və bloger Ceyk Pol arasında baş tutan döyüşü saxta kimi qiymətləndirib.

Milli.Az baku.ws-ə istinadən bildirir ki, o, bu barədə "Sport24"ə açıqlamasında bildirib.

"Sevinirəm ki, Tayson nəticədə yaxşı qazanc əldə etdi. Təxminən 60 yaşında 20 milyon dollar qazanmaq həm onun, həm də ailəsi üçün yaxşıdır. Ən azından buna görə sevinirəm. Amma bu, əsl döyüş idi, yoxsa, yox böyük sualdır. Mənə bu, saxta göründü," - deyə Nurməhəmmədov qeyd edib.

Döyüş qaydalara uyğun olaraq səkkiz raund davam edib və hakimlərin yekdil qərarı ilə Ceyk Pol 80-72, 79-73, 79-73 hesabları ilə qalib elan olunub.

Mayk Tayson sonuncu dəfə 2020-ci ilin 28 noyabrında Roy Cons ilə rinqə çıxmışdı. Bu döyüş də səkkiz raund davam etmiş və hakimlərin qərarı ilə heç-heçə ilə nəticələnmişdi. Tayson peşəkar karyerasında 58 döyüş keçirib, bunlardan 50-sində (44-ü nokautla) qələbə qazanıb, iki dəfə məğlub olub, iki döyüş isə baş tutmamış elan edilib.

Ceyk Pol üçün bu qələbə peşəkar karyerasında 11-ci oldu. O, 2024-cü il iyulun 21-də keçmiş UFC döyüşçüsü Mayk Perri ilə döyüşdə də qələbə qazanmışdı.

Polun növbəti potensial rəqibi barədə də yaxın zamanda açıqlama veriləcəyi gözlənilir.

Milli.Az