İdman

Azərbaycanda ilk dəfə Xankəndi - Bakı ultra marafonu start götürüb

29 Fevral 2024 07:38

Baxış: 1 040

#XANKƏNDİ

Gənclər və İdman Nazirliyinin Azərbaycan Atletika Federasiyası ilə birgə təşkil etdiyi Xankəndi - Bakı ultra marafonu başlayıb.

Milli.Az axar.az-a istinadən bildirir ki, iştirakçılar "Qürurla irəli" şüarı ilə ilk dəfə keçirilən yarışa Xankəndidə start veriblər.

Onlar ilk olaraq 83 km məsafə qət edərək, Yevlaxa çatacaqlar. Ardından Yevlax - Ucar (84 km), Ucar - Hacıqabul (88 km), Hacıqabul - Qobustan (70 km) və Qobustan - Bakı (55 km) mərhələlərini keçməklə, martın 4-də Bakıya çatacaqlar.

Ultra marafonda ümumilikdə 64 idmançı mübarizə aparır. Onlar arasında Türkiyə (5 nəfər), Meksika (4) və Moldova (1) təmsilçiləri də var.

Qeyd edək ki, hər mərhələnin qalibləri ayrılıqda təltif ediləcəklər. Ultra marafonun ümumi qalibləri isə baş mükafatı qazanacaqlar.

Milli.Az
Xəbərlərimizi WhatsApp kanalımızdan da oxuyun