İdman

"Qarabağ"ın tanınan siması "Sportinfo"ya çətinliklərdən danışdı - FOTO

1 Dekabr 2023 06:33
Baxış: 778
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Milli.Az xəbər verir ki, "Qarabağ"ın müdafiəçisi Elvin Cəfərquliyev Sportinfo.az-ın Norveçə ezam olunan əməkdaşına açıqlama verib.

O, ilk olaraq Avropa Liqasının qrup mərhələsinin 5-ci turu çərçivəsində "Molde" ilə qarşılaşacaqları görüş barədə danışıb:

"Hər zaman gözləntimiz yaxşı oyun və qələbədir. İnşallah, 3 xal üçün gedirik. Çətin səfər olduğunu bilirik.

Bizi ağır oyun gözləyir. Həm hava durumu, həm də stadionun süni örtüklü olması çətinlik yarada bilər".

Qurban Qurbanov "Sabah"la Premyer Liqa matçından sonra bildirmişdi ki, fasilədən sonra komandada yaranan boşluqları futbolçular özü də hiss etdi.

Maraqlıdır, arxada qalan 4-5 gündə həmin boşluqları aradan qaldırmaq nə dərəcədə mümkün oldu? Cəfərquliyevi dinləyək:

"Əlbəttə, çalışdıq ki, məşqlərlə bir-birimizə uyğunlaşaq. Düzdür, millidən qayıdandan sonra çətinlik olur.

Futbolçuların bəziləri oynayır, bəziləri oynamır. Əlimizdən gələni edəcəyik ki, bunu aradan qaldıraq".

Arxa xətt oyunçusu uzaq səfərə qarşılaşmadan bir gün əvvəl getməyin çətinliyindən də söz açıb:

"Belə səfərlərimiz olub. İlk dəfə deyil. Əlimizdən gələni edəcəyik ki, bu kimi şeylər çətinlik yaratmasın".

Xatırladaq ki, "Molde" "Qarabağ" görüşü 30 noyabr Bakı vaxtı ilə saat 00:00-da start götürəcək.

Milli.Az
Xəbərlərimizi WhatsApp kanalımızdan da oxuyun

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.