PUL
.jpg)
.jpg)
.jpg)
AFFA-nın təşkil etdiyi futbol üzrə Region Liqasının 2022/2023-cü il mövsümünə yekun vurulub.
Milli.Az AZƏRTAC-a istinadən bildirir ki, iyunun 4-də Tovuz şəhər stadionunda keçirilmiş final qarşılaşmasında "Çinar-Zəngilan" və "Qusar" komandaları üz-üzə gəliblər.
Həlledici oyunda rəqibi üzərində 2:0 hesablı qələbə qazanan "Qusar" AFFA Region Liqasının 2022/2023-cü il mövsümünün qalibi olub.
Final oyunundan sonra mükafatlandırma mərasimi təşkil olunub. Əvvəlcə final oyununun hakimlərinə diplom və xatirə hədiyyələri verilib. "Qusar" komandasının üzvü Eşqin Tağıyev 24 qolla ən məhsuldar oyunçu olub. Çempion komandanın digər üzvü Tural Cəlilov isə mövsümün ən yaxşı oyunçusu seçilib. Daha sonra müvafiq olaraq, ikinci yerin sahibi "Çinar-Zəngilan" və qalib "Qusar" komandasına medallar və kubok təqdim edilib.
Mükafatları AFFA İcraiyyə Komitəsinin üzvü, Regional Futbol Federasiyaları İctimai Birliyinin prezidenti İsgəndər Cavadov və AFFA-nın baş katibi Sərxan Hacıyev təqdim ediblər.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
