İdman

"De Byazidən hörmətsizlik gördüm" - Maqomed Adiyev

24 Sentyabr 2022 20:29
Baxış: 890

Qazaxıstan yığmasının baş məşqçisi Maqomed Adiyev UEFA Millətlər Liqasının qrup mərhələsinin sonuncu - 6-cı turunda Bakıda Azərbaycan millisinə qarşı keçiriləcək oyunundan əvvəl mətbuat konfransında iştirak edib.

- Bakıda olduğumuza görə şadıq. Pozitiv şəkildə hazırlaşırıq. Turnirdəki məqsədə çatdıq. Amma biz milli komandayıq, ona görə həmişə layiqli şəkildə mübarizə aparmalıyıq. Rəqibin potensialını bilirik. Heyətində keyfiyyərli futboIçuları var. Sabah asan oyun olmayacaq. Asan olmayan matçda axarı öz xeyrimizə dəyişmək istəyirik.

- Sabah gənc oyunçuIarın debüt etmək şansı nə qədərdir? 

- Sabah Şatskiy oynayacaq. Hamının şansı var. Bu, ilk dəqiqələrdən olmasa da. Məşqdən sonra kimin oynayacağına qərar verəcəyik.

- Qrupda sonuncu komanda sayılırdınız. Amma qalib oldunuz...

- Bütün komandalarda yüksəliş və eniş olur. Qalib də gələ bilərik, məğlub ola da. Aşağı liqadan gəlmişdik, ancaq gücümüzü göstərdik. Bizi bütün ölkə dəstəkləyir. Çox şadıq ki, buna nail olmuşuq. Nəyə qadir olduğumuzu növbəti oyunda göstərməyə çalışacağıq.

- Azərbaycan millisi 6 ildir Qazaxıstana qalib gələ bilmir. Sabah bunun əvəzini çıxmağa çalışacaqlar. Nə düşünürsünüz?

- Hər komanda meydana çıxanda çox qol vurmaq istəyir. Bu, təbii haldır. Sabahkı oyunda kimin nəyə qadir olduğu görəcəyik.

- İlk oyunda Azərbaycana qalib gəlmişdiz, sonra yüksəlişiniz başladı. İndi isə rəqibiniz iki matçdır, qələbə qazanır. Azərbaycan millisinin oyun planında hansı dəyişikliklər diqqətinizi çəkir?

- Slovakiyaya qaşrı çox yaxşı oynadılar. Bu matçı Azərbaycan millisinin aktivinə yazmaq olar. Sistemdə fərqlər var. Son matçda Azərbaycan millisi birlik göstərdi. Bizimlə ilk matçda problemlər daha çox görünürdü.

 İlk oyundan sonra demişdiz ki, De Byazi çox danışır, işləmək lazımdı.r Qorxmursuz ki, sabah bunun acısını çəkəsiz?

- Mən belə kobud deməmişəm. Demişəm ki, çox işləməliyik. Mən başqa komandanın futbolçuları haqda məsləhət bilmirəm. Öz işim var. De Byazidən  oyundan qabaq və sonra hörmətsizlik gördüm. Heç vaxt konfranslarda rəqibin oyununu təhlil etmirəm. Oyundan sonra baş məşqçinizə bunu çatdırmaq istəyirdim.

Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics