İdman

Heç bir narahatlıq yoxdur - "Frayburq"un baş məşqçisi

2 Sentyabr 2022 22:22
Baxış: 952
VTB-də minimal faiz dərəcəsi ilə nağd kredit 9.9%-dən
#QARABAĞ #AVROPA LİQASI

Almaniyanın "Frayburq" komandasının baş məşqçisi Kristian Ştrayx Avropa Liqasının qrup mərhələsinin ilk turunda Azərbaycan çempionu "Qarabağ"a qarşı keçirəcəkləri oyundan öncə fikirlərini bölüşüb.

Milli.Az matc.az-a istinadən bildirir ki, o, Almaniya Bundesliqasının 5-ci turunun "Bayer"lə səfər görüşü öncəsi keçirilən mətbuat konfransında bunları söyləyib:

"Futbol, futbol, futbol, yemək, yatmaq, yenə futbol, futbol, futbol - məndə bundan daha pis şeylər var. Bizim üçün heç bir narahatlıq yoxdur. Bizim iki cəbhədə mübarizə aparmağımızda çətinlik olmayacaq. Bunun üzərində işləmişik və və bu işdən tamamilə zövq alırıq. Biz həm Avropa Liqası, həm də Bundesliqada eyni zamanda mübarizə aparmaq üçün çox düzgün qərarlar qəbul etməliyik".
 
Ştrayx bildirib ki, "Frayburq"un sabiq futbolçusu, 37 yaşlı Yulian Şuster beynəlxalq oyunların analizi ilə məşğul olacaq.
 
"Qarabağ" sentyabrın 8-də Avropa Liqasının qrup mərhələsinin ilk oyununda "Frayburq"la qarşılaşacaq. Bu komandalar arasındakı ikinci matç isə noyabrın 3-də Bakıda baş tutacaq.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.