İdman

Təmsilçilərimiz növbəti dəfə Londonda çıxış edəcək

12 May 2022 11:04
Baxış: 1 108
VTB-də minimal faiz dərəcəsi ilə nağd kredit 9.9%-dən

Bu gün Londonda Böyük Britaniyada kral ailəsinin üzvlərinin şərəfinə ənənəvi olaraq təşkil edilən Vindzor Kral Atçılıq Şousu başlayır Böyük Britaniyanın Vindzor qəsrində Birləşmiş Krallığın Kraliçası İİ Yelizavetanın şəxsən iştirakı ilə keçirilən bu şouya 2012-ci ildən etibarən Azərbaycan təmsilçiləri də qatılır.

Azərbaycan Respublikası Atçılıq Federasiyasından verilən məlumata görə, bu il Kraliça II Yelizavetanın taxta çıxmasının 70-ci ildönümünə həsr olunan "Royal Windsor Horse Show" tədbirdə təmsilçilərimiz tərəfindən "Odlar Yurdu" adlı xüsusi proqram təqdim olunacaq.

Heydər Əliyev Fondunun dəstəyi, Azərbaycan Respublikası Atçılıq Federasiyasının təşkilatçılığı ilə ərsəyə gələn, 70 nəfərlik heyətin cəlb olunduğu, Azərbaycanın əməkdar artisti Nicat Kazımovun quruluş verdiyi proqramda Dövlət Sərhəd Xidmətinin 15 süvarisi tərəfindən Qarabağ atları üzərində möhtəşəm igidlik hərəkətləri nümayiş etdiriləcək, Azərbaycan Respublikasının əməkdar artisti, xoreoqraf Fərid İbrahimovun rəhbərliyi ilə "Sərhədçi" ansamblı tərəfindən milli musiqimizin sədaları altında möhtəşəm rəqs kompozisiyası sərgilənəcək.

12-15 may tarixlərində təşkil olunacaq şouda Azərbaycan nümayəndələrinin ümumilikdə 4 çıxışı nəzərdə tutulub.

Tədbirin bədii hissəsində Azərbaycanla yanaşı Oman, Bəhreyn, İsveçrə, Fransa, Norveç və Hindistan kimi dövlətlərin nümayəndələrinin iştirakı da nəzərdə tutulur.

Ənənəvi olaraq böyük tamaşaçı marağına səbəb olan Kral Atçılıq tədbirləri Britaniyanın və aparıcı dünya dövlətlərinin TV və mediaları tərəfindən geniş işıqlandırılacaq.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.