İdman

"Olimpiya çempionu olmağı arzulayıram"

4 May 2022 18:20
Baxış: 411

Mən Olimpiya çempionu olmağı arzulayıram.

Bunu Trend-ə bədii gimnastika üzrə 27-ci Bakı birinciliyinin qızıl medalçısı, "Ocaq Sport" klubunu təmsil edən Nərgiz Əliyeva deyib.

"Qazandığım medala görə çox şadam. Çıxışdan qabaq çox həyəcanlanırdım, amma xalçaya çıxanda həyəcan keçdi və mən proqramımı yaxşı icra etdim. Yarışlara hazırlıq çətin idi, amma mən öhdəsindən gəldim", - deyə gimnast bildirib.

Qeyd edək ki, mayın 3-4-də Bakı Milli Gimnastika Arenasında bədii gimnastika üzrə 27-ci Bakı birinciliyi keçirilir.

Birincilikdə 9 klubdan ümumilikdə 123-ü fərdi və 63-ü qrup komandasının (12 qrup) üzvü olmaqla 186 gimnast iştirak edir.

Yarışda idmançılar fərdi (balacalar - 2012, 2013, 2014-cü il təvəllüdlü, yeniyetmələr - 2010-2011-ci il təvəllüdlü, gənclər - 2007-2009-cu il təvəllüdlü) və qrup hərəkətləri proqramında (balacalar - 2012-2014-cü il təvəllüdlü, yeniyetmələr - 2010-2011-ci il təvəllüdlü) mübarizə aparır.

İki gün davam edəcək yarışda gimnastlar fərdi çoxnövçülükdə və qrup hərəkətləri proqramında öz aralarında qalibləri müəyyənləşdirəcəklər.

Milli.Az

İllik 14.5%-dən 30 000 manat zaminsiz komissiyasız kredit

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics