Cəmiyyət

Partiya sədri toydan çıxarıldı, 200 manat cərimələndi

26 Noyabr 2021 15:30
Baxış: 1 438

Vətəndaş və İnkişaf Partiyasının sədri Əli Əliyev xüsusi karantin rejimi qaydalarını kobud şəkildə pozduğu üçün polis tərəfindən cərimələnib.

Milli.Az demokrat.az-a istinadən xəbər verir ki, Əli Əliyev vaksini olmadan noyabrın 25-də saat 20:00 radələrində paytaxtın Binəqədi rayonu, S.S.Axundov küçəsi 7 ünvanında yerləşən "Cıdır" restoranında toy mərasiminə qatılıb. Sözügedən restoranda polis tərəfindən aparılan yoxlama zamanı Əli Əliyevin xüsusi karantin rejimi qaydalarını kobud şəkildə pozması faktı aşkarlanıb.

Nəticədə Binəqədi rayon Polis İdarəsinin 5-ci polis bölməsi əməkdaşları tərəfindən Əli Əliyev qanunun tələblərinə uyğun olaraq, 200 AZN cərimə olunaraq, restorandan uzaqlaşdırılıb.

Qeyd edək ki, Əli Əliyev ixtisasca həkimdir. Koronavirusdan qorunmada hər kəsdən əvvəl o insanlara nümunəvi davranış nümayiş etdirməlidir. Təəssüf ki, radikal müxalifətin digər nümayəndələri kimi, Əli Əliyevin də əməli ilə sözləri ziddiyət təşkil edir.

Milli.Az

İllik 14.5%-dən 30 000 manat zaminsiz komissiyasız kredit

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics