Cəmiyyət

Qırğızıstanda Azərbaycana və Ermənistana eyni səfiri təyin etmək təklif olundu

20 Sentyabr 2021 23:37
0 Şərh     Baxış: 1 416

Qırğızıstan parlamentinin beynəlxalq məsələlər komitəsinin sədri Tazabek İkramov ölkənin Azərbaycandakı səfirinin eyni zamanda Ermənistana da səfir təyin olunmasını təklif edib.

Milli.Az "qafqazinfo"-ya istinadən xəbər verir ki, o bu versiya ilə Xarici İşlər Nazirliyinin Rusiyadakı səfir Gülnarə-Klara Samatın Ermənistana da səfir təyin edilməsi təklifindən sonra çıxış edib.

"Siz təklif edirsiniz ki, Rusiyadakı səfirimiz Ermənistanda da səfir olsun. Rusiya böyük ölkədir. Səfirliyimizin orada çox işi var. Biz Azərbaycanda səfirimizin səlahiyyətlərinə Ermənistana nəzarəti də əlavə etməliydik. Orada vətəndaşımız azdır. Niyə Rusiyadakı səfirliyimizə əlavə iş yükləyirsiniz?", - deyə İkramov müraciət edib.

Qırğızıstan XİN-in müavini Nuran Niyazəliyev İkramova belə izahat verib:

"Bizim Azərbaycanda - Bakıda bir səfirliyimiz var. Ancaq Azərbaycanla Ermənistan arasındakı münasibət səbəbindən Bakıdan Ermənistana nəzarət etmək mümkün olmayacaq".

Müzakirədən sonra XİN-in Gülnarə-Klara Samatın Rusiya ilə yanaşı, Ermənistanda da səfir olması təklifi qəbul edilib. 

Milli.Az

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.