Cəmiyyət

Sərnişinlər hava limanında vaxt itkisi ilə üzləşməyəcək - Yeni mobil tətbiq nələr vəd edir? - VİDEO

10 Avqust 2021 14:08

0 Şərh Baxış: 797

#CƏMİYYƏT #VİDEO

AZAL Beynəlxalq Hava Nəqliyyatı Assosiasiyasının "IATA Travel Pass" adlı mobil səyahət tətbiqini iki istiqamət üzrə sınaqdan keçirəcək.

Milli.Az Xəzər TV-yə istinadən xəbər verir ki, smartfona yüklənən "IATA Travel Pass" sahibinin səhhətinə dair, o cümlədən koronavirusa qarşı peyvənd olunması və testdən keçməsi barədə məlumatları özündə cəmləşdirir.

Heydər Əliyev Beynəlxalq Hava Limanının direktoru Teymur Həsənov bildirib ki, tətbiqin üstünlükləri çoxdur.

Tətbiqin köməyi ilə sertifikatların həqiqiliyini yoxlamaq prosesi ən etibarlı və sürətli hala gətiriləcək. Tətbiq ilk olaraq Bakı - İstanbul - Bakı, Bakı - Moskva - Bakı reyslərində sınaqdan keçiriləcək.

Bütün məlumatlar sərnişindən başqa heç kimin daxil ola bilmədiyi mobil tətbiqdə saxlanılır. Gələcəkdə səyahətçinin peyvəndlənməsi haqqında məlumatların bu cür sertifikatların həqiqiliyini yoxlamaq mexanizminin tətbiqə əlavə edilməsi planlaşdırılır. Sərnişin COVID-19 elektron test nəticələrini almazdan əvvəl rəqəmsal şəxsiyyət sənədlərini təsdiqləyə bilmələri üçün pasport məlumatlarını klinikalarla etibarlı şəkildə paylaşa biləcək.

Mövzu ilə bağlı daha ətraflı videomaterialı təqdim edirik:

Milli.Az