Cəmiyyət

Atanın 9 yaşlı qızını döymə videosu ilə bağlı araşdırma aparılır

8 İyun 2021 16:34
Baxış: 1 123

9 yaşlı qızın atası tərəfindən döyülməsi ilə bağlı yayılan video Baş Prokurorluq tərəfindən araşdırılır.

Baş Prokurorluğun Mətbuat xidmətinin rəhbəri Günay Səlimzadə Trend-in sorğusuna cavab olaraq bildirib ki, bəzi kütləvi informasiya vasitələri və sosial media səhifələrində Rauf Vəliyevin 9 yaşlı qızı Milana Məlikzadəyə döyərək işgəncə verməsi və bunu keçmiş həyat yoldaşı Təranə Rzayevaya "Whatsapp" vasitəsilə zəng edərək nümayiş etdirməsi ilə bağlı yayılmış videogörüntülərlə əlaqədar hazırda Baş Prokurorluğun Cinayət təqibindən kənar icraatlar idarəsi tərəfindən araşdırma aparılır.

Nəticəsindən asılı olaraq qanuni qərarın qəbul edilməsi və ictimaiyyətə əlavə məlumatın verilməsi təmin ediləcəkdir.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.