Cəmiyyət

Yol polisinin reydi işbazlar üçün fürsət yaratdı - Katalizatorların qiyməti bahalaşdı - VİDEO

13 May 2021 12:24
Baxış: 1 643

Sürücülərə qarşı başlayan katalizator reydi bəzi işbazları hərəkətə keçirdib. Katalizatorların qiyməti 5-6 dəfə artıb. Xüsusilə də hibrid avtomobili idarə edənlər demək olar ki, iki gündür qapı qapı avtomobilin bu detalını axtarırlar. Bəzi sürücülər 450-600 manat xərcləyərək çatışmazlığı aradan qaldırır. Bəziləri isə qiymət baha olduğundan ucuzlaşmasını gözləyir.

Milli.Az xezerxeber.az-a istinadən bildirir ki, katalizatorların qiyməti 5-6 dəfə bahalaşıb.

Katalizatoru olmayan avtomobil sürücüləri xüsusilə də hibrid mühərrikli avtomobilin sürücüləri bayram günlərini katalizator axtarmaqla keçirir.Bu detal ya tapılmır,ya da olduqca baha satılır.

Avtomobil ustası Sahil Ağabəyli deyir ki, qiymətlər son bir neçə gündür  artıb.Əvvəlki qiymətlərlə indiki qiymət arasında uçurum yaranıb.

Katalizatorların satışı ilə məşğul olanlar isə həttta yol polisinə təqdim etmək üçün sertifikat da təklif edirlər.Qiymətlərin bahalaşma səbəbini isə belə izah edirlər.

Ustalar isə sürücülərə xəbərdarlıq edir.Heçbir istehsalçı firma katalizatora görə sertifikat təqdim etmir.

Qeyd edək ki,bəzi işbazlar qara bazarda avtomobilin üzərində olan katalizatorların alışı üçün  800-3 min manat arasında pul təklif edirlər.Xaricdən gətirilən köhnə avtomobillərdə  isə  bu hissə  əvvəlcədən söküldüyündən alıcıların əksəriyyətinin bundan xəbəri olmur.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.