Cəmiyyət

“Qırmızı kitab”a düşmüş balıqların qeyri-qanuni ovuna görə cərimənin məbləği artırılıb

4 May 2021 18:54
Baxış: 292

"Qırmızı kitab"a daxil edilmiş balıq, su məməliləri və su onurğasızları növlərinə görə tətbiq edilən cərimənin məbləği artırılıb. 

Milli.Az bildirir ki, bununla bağlı Baş nazir Əli Əsədov "Balıq və digər su bioresurslarından istifadəyə görə ödəmələrin növləri, dərəcələri, tətbiq edilmə qaydaları və balıq və digər su bioresurslarının qeyri-qanuni ovuna cərimələr"ə dəyişiklik edilməsi barədə qərar imzalayıb. 

Qərara əsasən, cərimənin məbləği 275 manata yüksəldilib. Əvvəl bu məbləğ 250 manat müəyyən edilmişdi. 

Eyni zamanda, "Qırmızı kitab"a daxil edilmiş balıq, su məməliləri və su onurğasızları növlərinə daxil olan canlıların sayı da artırılıb. Kələmo, dəniz sıfı, poru, zərdəpər, Xəzər qızılbalığı, qılıncbalıq, Şirvan külməsi, Xəzər şirbiti, Pilzov çay xərçəngi və Xəzər suitisi, qızıl xallı balıq növlərini cərimə edənlər 275 manat məbləğində cərimə ediləcək. 

Bundan başqa, ölçüsündən və çəkisindən asılı olmayaraq bir ədəd balıq, su heyvanı və onurğasıza vurulmuş ziyan aşağıdakı məbləğdə (manatla) müəyyən ediləcək:

bölgə - 247,5manat, 

nərə, uzunburun, ağ qızılbalıq- 220 manat

xəşəm, kütüm, sıf, şirbit, şamayı, ağ amur, enlialın 33 manat

çəki, karp, qarabel siyənəyi 22 naxa, 

durna balığı, kefal, çapaq, külmə, qarasoy, xramulya, dabanbalığı, xanı balığı, ilanbalığı və siyənəyin digər növləri 11 manat

kilkə (1 kq) 0,55 manat

b) Kürü (1 kq) bölgə, kələmo, nərə, uzunburun 220 manat

ç) Su onurğasızları xərçəng 1,1 manat

krevet 0,55 manat

Dövlət qoruqlarında və digər xüsusi mühafizə olunan ərazilərdə qanunsuz ovlanmış və ya məhv edilmiş balıq və digər su bioresursları üçün cərimələr üç qatına tutulacaq. 

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.