"Bəhruz Səmədov" rəzilliyi - Erməni mediasının yeni "ulduzu" peyda olub

44 günlük müharibədə qazandığımız Zəfər ermənilərlə yanaşı, sən demə "sapı özümüzdən olan baltalar"ın da kürkünə birə salıb. Qələbə paradının ardınca paytaxda açılan Hərbi Qənimətlər Parkını tənqid atəşinə tutanların sırasına xaricdəki antiazərbaycan şəbəkə də qoşulub. Erməni mediasının ulduzuna çevrilən bu şəbəkə hədəf olaraq Hərbi Qənimətlər Parkını seçib.

Özünü siyasi aktiv kimi qələmə verməyə çalışan hansısa Bəhruz Səmədov adlı şəxs Azərbaycanın ünvanına Qərbin tanınmamış bir nəşrində hədyanlar yağdırıb. Ən maraqlısı odur ki, "araşdırması" da çıxan kimi dərhal Türkiyədə ermənilərə məxsus "Agos" qəzetinin səhifəsində yer alıb. Hətta İngiliscədən türkcəyə tərcümə də edilib. Xaricdəki yiyələrinə xoş gəlmək üçün belə bir rəzilliyə yol verən "araşdırmaçı" 44 günlük Zəfər Qələbəmizə kölgə salmağa cəhd göstərir, Hərbi Qənimətlər Parkının açılışını və düşmən ordusunun manekenlərinin nümayişinə qarşı çıxır. İddia edir ki, guya hərbi əməliyyatlardan sonra gözləntiləri özünü doğrultmayıb - təqib və həbslər başlanıb. Bu rəzilliyinin müqabilində isə ortaya bir fakt belə qoya bilməyib. Məsələn, Cəmil Həsənliyə qarşı təqibləri qabardır. Halbuki bununla bağlı hüquq-mühafizə orqanlarının media üçün məlum bəyanatı səslənib. Araşdırma aparıldığı vurğulanıb. Ardınca da həyasızcasına iddia edir ki, AXCP liderinin telefon və internetinə məhdudiyyətlər tətbiq edilir. Bu üzdəniraqa deyən lazım ki, əgər belə bir yasaq varsa, necə olur ki, hər gün liderin canlı yayımlara çıxır, eninə-uzununa hədyan və böhtanlar yağdırır.

Yeri gəlmişkən, görün bu "aktivistə" xoş gəlməyən nədir? Niyə Azərbaycan Prezidenti torpaqlarında bizə qarşı döyüşən, Xocalıda yüzlərlə soydaşımızı qətlə yetirən, onlara olmazın zülmlər verməklə qətlə yetirən erməni faşistlərini aşağılayır. Bəs nə deməli idi? Bəlkə onları dəm-dəstgahla dəfn də etməli idik?

Özünün biabırçı "araşdırmasında" onu da iddia edib ki, Azərbaycanda ermənilərə qarşı nifrət hissi aşılanır. Halbuki bu xəstə təfəkkürlü ünsür aradabir erməni mediasına nəzər salsa, pis olmazdı. Onda görərdi ki, türkofobiya, azərbayacanafobiya erməni cəmiyyətində əvvəlki tək pik həddədir.

Erməni uşaqlarına məktəblərdə aşılanan "türk, Azərbaycan" düşmənçiliyindən bir kəlmə də danışmır. Sadəcə anlamaq olmur ki, insanda öz Vətəninə, xalqına bu qədər nifrət haradandır? Müəyyən tula payı müqabilində dövlətinə, onun rəhbərliyinə hədyanlar yağdırmaq olarmı? Heç olmasa xidmət etdiyi ölkələrin mətbuatına nəzər salsın. Orada belə bir hədyanlarla çıxış edən bir yazıya, təhqirə rast gələ bilərmi - əlbətdə ki, yox. Bu üzdəniraq və onunla həmfikir şəbəkə üzvlərinin diqqətinə bir faktı çatdırmaq lazım ki, əcnəbi təşkilatlarından sədəqə yığmaq üçün gecə-gündüz Azərbaycan dövlətinə, xalqına qarşı hər cür yalanları, hədyanları dilə gətirməklə heç nəyə nail ola bilməyəcəklər. Şər-böhtan kampaniyasının necə sonunclandığı göz önündədir.

Azər Nuriyev
Milli.Az