Cəmiyyət

Azərbaycanda itirilmiş sürücülük vəsiqəsini necə bərpa etməli?

27 Yanvar 2012 13:57
Baxış: 88 011
VTB-də minimal faiz dərəcəsi ilə nağd kredit 9.9%-dən
Milli.Az-ın məlumatına görə, Respublika Baş Dövlət Yol Polisi İdarəsinin şöbə rəisi Kamran Əliyev Day.Az saytına açıqlamasında sürücülük vəsiqəsini itirmiş şəxslərin yeni vəsiqə almaq üçün nə etməli olduqları haqda danışıb:

"Əvvəlcə yol polisi vətəndaşın həqiqətən sürücülük vəsiqəsini itirdiyini, yoxsa qayda pozuntularına yol verdiyi üçün sürücülük hüququndan məhrum edildiyini dəqiqləşdirməlidir. Əgər məlum olsa ki, vəsiqə həqiqətən itirilib, bu halda vətəndaşa onun sürücülük hüququndan məhrum edilmədiyinə dair arayış verilir. Bundan sonra o, Baş Dövlət Yol Polisi İdarəsinin yerli qeydiyyat-imtahan şöbəsinə həmin arayışı, şəxsiyyət vəsiqəsini və sairi təqdim etməlidir. 1 gün ərzində sürücü yeni sürücülük vəsiqəsilə təmin edilir. Bunun üçün 5 manat həcmində dövlət rüsumu nəzərdə tutulur".

İnzibati Xətalar Məcəlləsinin 154.4-cü maddəsinə əsasən, sürücülük vəsiqəsinin itirilməsi və ya bilərəkdən yararsız hala salınmasına görə 30 manatdan 40 manatadək cərimə də nəzərdə tutulur.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.