Cəmiyyət

Gəncədə vaksinasiya... - FOTO

18 Fevral 2021 14:17
Baxış: 742
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Gəncədə yeni növ koronavirusa (COVID-19) qarşı peyvəndləmə prosesi davam edir.

Şəhər İcra Hakimiyyətindən Milli.Az-a verilən məlumata görə, ilkin olaraq tibbi işçiləri peyvənd olunublar.

Hazırda isə 50 yaş və daha yuxarı şəxslərin COVID-19-a qarşı vaksinasiyası aparılır. Sakinlər gün ərzində yaşadıqları əraziyə yaxın olan tibb məntəqəsinə gələrək, peyvənd olunurlar. Vaksinasiya prosesi könüllü və növbəlilik əsasında həyata keçirilir.

Vaksinasiya olunan tibb işçiləri, həmçinin yaşı 50 və daha yuxarı olan şəxslərdə heç bir mənfi əlamət və ya yan təsir hiss olunmayıb.

Xatırladaq ki, COVID-19-a qarşı vaksinasiya ilə əlaqədar olaraq Gəncədə 6 tibb məntəqəsi yaradılıb. 2, 5 və 6 saylı şəhər poliklinikalarında, habelə Gəncə Beynəlxalq Xəstəxanası, Yeni Gəncə Tibb Mərkəzi və Gəncə Mərkəzi Klinik Xəstəxanasında yerləşən tibb məntəqələrində xüsusi otaqlar hazırlanıb. Bu otaqlarda gün ərzində 100 nəfərin peyvənd edilməsi mümkündür.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.