Cəmiyyət

Karantin rejiminin yumşaldılması evlərin qiymətini artıra bilər

26 Yanvar 2021 09:06
Baxış: 1 156

Karantin rejiminin yumşalması, eyni zamanda mövsümi faktorlar təbii ki, daşınmaz əmlak bazarına müsbət təsir göstərəcək.

Milli.Az bildirir ki, bunu Trend-ə əmlak məsələləri üzrə ekspert Ramil Osmanlı deyib.

R.Osmanlı bildirib ki, amma daşınmaz əmlak bazarında dinamikanın dəyişməsi üçün müəyyən müddət lazımdır: "Bu, qısamüddətli bir proses deyil. Bu baxımdan, hesab edirəm ki, daşınmaz əmlak bazarında dəyişikliklər olacaq, amma bunun üçün bir müddət gözləmək lazımdır.

Bütün hallarda hesab edirəm ki, təqribən fevral ayının ortalarından etibarən daşınmaz əmlak bazarındakı proseslər əsasən müsbət dinamika ilə müşahidə olunacaq. Yəni alqı-satqı əməliyyatları artacaq, bazara müraciətlər, fəallıq artacaq. Təbii ki, qiymət də arta bilər, xüsusən yeni tikililər, amma hesab etmirəm ki, belə əhəmiyyətli dərəcədə arta bilər. Yəni burada nisbi qiymət dəyişməsindən söhbət gedir.

Eyni zamanda, ipoteka kreditlərinin verilməsində canlanma müşahidə olunmaqdadır. Bu amillər hamısı təbii ki, bazara müsbət təsir göstərəcək".

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.