PUL
Vətən müharibəsi başlayandan könüllü olaraq ön cəbhəyə getdi. Ən böyük arzusu işğal altında olan torpaqlarımızın düşmən tapdağından azad edilməsi uğrunda döyüşmək idi. Sonda isə öz məqsədinə çatdı...
Milli.Az xezerxeber.az-a istinadən bildirir ki,Qubadlı rayonunun Dəmirçilər kənd sakini Kərimağa Kərimov Birinci Qarabağ müharibəsində olduğu kimi, İkinci Qarabağ döyüşlərində də aktiv iştirak edib. O, Füzuli-Cəbrayıl-Qubadlı-Laçın uğrunda gedən döyüşlərdə vuruşub.
Kərimağa Kərimov deyir ki, Qubadlı rayonu işğaldan azad olunandan sonra doğulub boya-başa çatdığı Dəmirçilər kəndindəki evlərini taparaq mobil telefonla lentə alıb. Döyüşçümüzün kənd ərazisində gördüyü mənzərə isə ürəkləri sızıldadır.
Qəhrəmanımız deyir ki, ermənilər nəinki evləri, hətta qəbiristanlığı da tamamilə dağıdıblar. Bu azmış kimi kənd ərazisində yerləşən, bir vaxtlar sakinlərin ibadət etdiyi ''Dəmirçilər məscidi''ndə də heyvan saxlayıblar.
Kərimağa Kərimovun anası Rəfizə Bədəlova isə deyir ki, ermənilərin kəndlərini viran qoyduğunu əks etdirən görüntülərə baxarkən göz yaşlarını saxlaya bilmir. Bir vaxtlar yaşadığı evini, ibadət etdiyi məscidi dağılmış və təhqir edilmiş şəkildə görən zaman sarsıntı keçirir.
İndi Kərimağa Kərimov və onun ailəsinin, eləcə də digər bütün məcburi köçkünlər işğaldan azad olunmuş torpaqlarımıza qayıdcaqları günü səbirsizliklə gözləyirlər.
Xezerxeber.az mövzu ilə bağlı daha ətraflı videomaterialı təqdim edir:
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
.jpg)
