Cəmiyyət

"10 mindən çox tələbənin təhsil haqqı dövlət tərəfindən ödəniləcək" - Nazir

18 Noyabr 2020 12:45

Baxış: 1 341

VTB-də minimal faiz dərəcəsi ilə nağd kredit 10.49%-dən

#TƏHSİL

Artıq həssas təbəqəyə aid olan 10 mindən çox tələbənin təhsil haqqının dövlət tərəfindən ödənilməsi ilə bağlı müraciəti qeydə alınaraq təsdiqlənib.

Milli.Az Trend-ə istinadən bildirir ki, bunu Təhsil naziri Emin Əmrullayev deyib.

Nazirin sözlərinə görə, bu həftə ərzində həmin tələbələrə təsdiq mesajlarının göndəriləcəyi gözlənilir:

"Ancaq hələlik 1-ci kursda təhsil alan və bu meyarlara cavab verən tələbələr tərəfindən müraciətlər daxil olmayıb. Yəqin ki, onlar bu barədə məlumatlı deyillər. Həssas qrupa aid olan ailələrdən olan təhsilalanlar sistemdə qeydiyyatdan keçə və onların da təhsil haqları dövlət tərəfindən ödənilə bilər. Ancaq bunun üçün zəruri şərt həmin adamların sistemə müraciət edərək qeydiyyatdan keçməsidir. Biz dekabra qədər prosesi davam etdiririk".

E.Əmrullayev əlavə edib ki, keçən semestrdə 15 min, bu semestrdə isə 10 mindən çox tələbənin təhsil haqqı dövlət tərəfindən ödəniləcək.

Milli.Az