Cəmiyyət

Gənclər ictimai nəzarəti gücləndirəcəklər

16 Sentyabr 2020 14:04

Baxış: 930

VTB-də minimal faiz dərəcəsi ilə nağd kredit 9.9%-dən

#CƏMİYYƏT

Azərbaycan Respublikasının Prezidentinin ictimai nəzarərin gücləndirilməsi barədə çağırışına cavab olaraq, "Koronavirus Pandemiyası ilə Mübarizədə Gənclər Təşkilatlarının Rolunun Stimullaşdırılması" layihəsi çərçivəsində gənclər təşkilatlarından ibarət İctimai Nəzarət Qrupları yaradılıb.

Azərbaycan Gənclər Fondundan Milli.Az-a verilən məlumata görə, fondun maliyyə dəstəyi ilə həyata keçirilən "Koronavirus Pandemiyası ilə Mübarizədə Gənclər Təşkilatlarının Rolunun Stimullaşdırılması" layihəsinin məqsədi ölkəmizdə yayılmış COVİD-19 virusu haqqında əhalinin maarifləndirilməsi, bununla da ölkə ərazimizdə yoluxma sayının minimuma endirilməsi və vətəndaşları narahat edən məsələlərin aradan qaldırılmasına dəstək olmaqdır.

Mərhələli şəkildə fəaliyyət göstərəcək olan Nəzarət qruplarının fəaliyyətində ilk olaraq pandemiya ilə əlaqədar təyin edilmiş qaydalara əməl edilməsi və əhalinin maarifləndirilməsi istiqamətində işlərin aparılacaq. Bu məqsədlə paytaxt Bakı və regionlarda 30 gənclər təşkilatı İctimai Nəzarət qrupları kimi fəaliyyətə cəlb olunması nəzərdə tutulub.

İctimai Nəzarət qrupları fəaliyyətləri zamanı gigiyenik vasitələrin (maska, əlcək, spirt) və virusla mübarizə üçün təbliğat materiallarının (flayer, buklet, stiker) paylanılmasında, vətəndaşları narahat edən məsələlərin təyin edilməsində yaxından iştirak edəcək. Seçilmiş ərazilərin yerli idarəetmə orqanları və təhlükəsizlik strukturları ilə əməkdaşlıq edilməsi planlaşdırılıb.

Milli.Az

Milli.Az - Xəbər Portalı

Gənclər ictimai nəzarəti gücləndirəcəklər

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?