Cəmiyyət

"Azerbaijan Golden Kids Awards 2020"nin mükafatlandırma mərasimi onlayn formatda baş tutacaq - FOTOlar

5 Avqust 2020 19:16
Baxış: 1 575
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Azerbaijan Golden Kids Awards 2020" uşaq nominasiyaları üzrə mükafatlandırma mərasimi "online" formatda baş tutacaq.

Azərbaycan Könüllər İctimai Birliyi tərəfindən sayca 3-cü dəfə baş tutacaq "Azerbaijan Golden Kids Awards 2020" layihəsi öz mükafatlandırma mərasimini "online" şəkildə həyata keçirəcək. 

Azərbaycan Könüllər İctimai Birliyinin Mədəniyyət Departamentinin rəhbəri Ülviyyə Bəbirlinin açıqlamasında bildirilir ki, "Bütün dünyanı zəbt edən koronavirusa görə, təəssüflər olsun ki, istədiyimiz kimi layihəmizi tamamlaya bilmirik. Çox böyük planlarımız var idi. Bildiyiniz kimi bu il xaricdən də qonaqlarımız olacaqdı. Amma, dünya səviyyəli layihələr belə finalı bu şəkildə edir. Biz də video formatda mükafatlandırmalarımızı edəcəyik. Uşaqlara da xoş olsun deyə, ənənəyə sadiq qalaraq hər birinə ödül tanınan sima tərəfindən veriləcək. Bütün təqdimatları sizə göstərəcəyik. Onu da qeyd edim ki, "Azerbaijan Golden Kids Awards" ilbəil genişlənərək "Altın Kələbək", "Oscar" kimi böyük formatlı layihələr qədər böyümək niyyətindədir. Biz buna nail olacağıq. Layihənin namizədlərinə gəldikdə isə bu il  "Azerbaijan Golden Kids Awards 2020"də 8 yaşdan 16 yaşadək uşaqlar iştirak ediblər. Hər biri ayrı-ayrılıqda bayrağımızı ucaldıblar. Azərbaycanımızın fəxrləridirlər. Layihəmiz uğur mübarizəsidir. Bu ödülü əldə etmək üçün uşaqlar daha çox müsabiqələrdə özlərini sınayırlar. Bu illər ərzində bunu gözlə görməmək mümkün deyil. Bu da xoş bir haldır. Hər bir iştirakçıya, gələcəkdə də bu ödülü qazanmaq istəyən istedadlı balalarımıza uğurlar diləyirik. "

"Azerbaijan Golden Kids Awards 2020" layihəsinin iştirakçılarının posterlərini sizə təqdim edirik. 

Milli.Az

 

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.