Cəmiyyət

"Turizm fəaliyyəti bərpa edildikdən sonra istirahət zonalarına səfər etmək barədə düşünə bilmərik"

1 May 2020 18:13

0 Şərh Baxış: 1 064

#CƏMİYYƏT #TURİZM #KORONAVİRUS

Turizm və hotelçilik sahəsi üzrə fəaliyyət bərpa edildikdən sonra da düşünə bilmərik ki, istirahət zonalarına səfər edə biləcəyik.

Milli.Az Trend-ə istinadən bildirir ki, bunu Tibbi Ərazi Bölmələrini İdarəetmə Birliyinin (TƏBİB) sədri Ramin Bayramlı bu gün keçirilən brifinqdə deyib.

Onun sözlərinə görə, vətəndaşlar yaxın bir ildə ənənəvi həyata dönmənin mümkün olmayacağını başa düşməlidirlər.

R.Bayramlı əlavə edib ki, infeksiyaya yoluxma statistikası Bakı, Sumqayıt, Lənkəran, Gəncə şəhərləri, eləcə də Abşeron rayonu üzrə vəziyyətdə daha diqqətli olmağı tələb edir.

O qeyd edib ki, bir sıra yumşaldılma tədbirlərinin həyata keçirilməsi barədə qərar sosial-iqtisadi amillər nəzərə alınaraq, mühüm təhlillərə əsaslanaraq verilib.

Milli.Az