Cəmiyyət

Azərbaycanda güclü zəlzələlər bu ZONALARDA ola bilər

28 Yanvar 2020 20:10
4 Şərh     Baxış: 8 057

AMEA Respublika Seysmoloji Xidmət Mərkəzinin direktoru Qurban Yetirmişli Türkiyənin Elazığ əyalətinin Sivricə rayonunda baş verən dağıdıcı zəlzələdən sonra Azərbaycandakı seysmoaktivliyi dəyərləndirib.

Milli.Az xəbər verir ki, Q.Yetirmişli Trend-ə açıqlamasında bildirib ki, Azərbaycanda yaxın günlərdə Türkiyədə baş verən son dağıdıcı zəlzələ kimi güclü təkanların baş vermə ehtimalı yoxdur.

Azərbaycan ərazisinin yüksək seysmik aktivliklə fərqləndiyini söyləyən Q.Yetirmişli ölkə ərazisində potensial gücə malik seysmogen zonaların adlarını da açıqlayıb.

O bildirib ki, həmin zonalar Böyük Qafqazın cənub-şərq yamacı - Şamaxı-İsmayıllı, Gəncəbasar zonası, Azərbaycanın şimal-qərb zonası (Şəki, Zaqatala, Balakən), şimal zonası (Quba, Siyəzən, Dəvəçi), Talış zonası, Naxçıvan Muxtar Respublikası və Xəzər dənizinin Azərbaycan sektorudur. Ən güclü zəlzələ zonası isə Şamaxı-İsmayıllı zonası hesab edilir.

Mərkəz direktoru əlavə edib ki, Bakı və Abşeron rayonu ərazisində baş verən yeraltı təkanları Xəzər dənizindəki zəlzələ ocaqları yaradır.

Q.Yetirmişli hazırda Azərbaycanda seysmoloji aktivliyin fon səviyyəsində olduğunu da qeyd edib:

"Ölkə ərazisində xırda təkanlar qeydə alınır. Elə gün olmur ki, ölkəmizdə belə təkanlar qeydə alınmasın. Sadəcə, bunların arasında bəziləri hiss edilən olur".

Milli.Az

loading...

Şərh yaz:

4 Şərh:

  • Anonim
    gul · 29 Yanvar 15:5400

    yazin ki bütün zonalarda

    Cavab yaz
  • Anonim
    Talış · 29 Yanvar 17:3731

    Azerbaycanda talış zonası var??? Senin kimiler ölkeni bölür. Niyə ləzgi, avar və s, bölgə yazmırsan talış bölgəsi yazırsan. Cənub blgəsidi ora savadsız.

    Cavab yaz
  • Anonim
    Esra Ibrahimli(Samaxi) · 29 Yanvar 19:4550

    Vayyy dədəəəəə hmm nc nc nc:((( Allah gostermesinnn Menim Samaxim daaa Zelzeleeee

    Cavab yaz
  • Anonim
    Alsu. · 30 Yanvar 09:2813

    Talış zonası ? Bu nə deməkdir ? Niyə talışları ayırırsız ? Bura CƏNUB ZONASI ADLANIR !

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.