Cəmiyyət

Yeni ilin gəlişi ilə əlaqədar paytaxtımız bayramsayağı bəzədilib - FOTOREPORTAJ

30 Dekabr 2019 23:10

1 Şərh Baxış: 2 366

VTB-də minimal faiz dərəcəsi ilə nağd kredit 10.49%-dən

#CƏMİYYƏT #YENİ İL

Yeni təqvim ilinin gəlişinə saylı günlər qalıb. Ölkəmizin hər yerində olduğu kimi, paytaxt Bakımızda da 31 dekabr - Dünya Azərbaycanlılarının Həmrəyliyi Günü və Yeni ilin gəlişinə böyük həvəslə hazırlaşırlar.

Yeni ilin gəlişi ilə əlaqədar paytaxtın mərkəzi küçə və prospektləri, park və xiyabanları bayramsayağı bəzədilib. Hər tərəfdə hündür yolka (küknar) ağacları qurulub, ictimai binaların və evlərin fasadları, eyvanlar bayram libasına bürünüb. Şəhərin gecə görüntüləri xüsusilə cəlbedicidir. Hər tərəf rəngbərəng işıqlara qərq olub, küçələrin kənarındakı küknar ağacları al-əlvan bayram oyuncaqları ilə bəzədilib.

Şəhərin mərkəzi meydanlarında qurulan hündür yolka ağacının ətrafında artıq Şaxta baba da gözə dəyir. O da böyük həvəslə Yeni il şənliklərinin başlanmasını gözləyir.

Bütün bunlar paytaxt sakinləri ilə yanaşı, Bakıya üz tutan minlərlə qonağın zövqünü oxşayır.

Milli.Az AZƏRTAC-a istinadən Bakı şəhərini bəzəyən Yeni il görüntülərini təqdim edir.

Milli.Az