Cəmiyyət

“Vətəndaş qapını açmır, sayıcıları evə buraxmır” - İttihamlara cavab

16 Oktyabr 2019 14:11
7 Şərh     Baxış: 2 310

Dövlət Statistika Komitəsi əhalinin siyahıyaalınması prosesi ətrafında yaranan narazılığa münasibət bildirib. 

Komitənin siyahıyaalma qrupunun rəhbəri Azad Abasəliyev qafqazinfo-ya bildirib ki, mövzu ilə bağlı çıxışlarında bir neçə siyahıya alınmayanların komitəyə müraciət etməsi ilə bağlı çağırış edib: 

"Amma sosial şəbəkələrdə yazırlar,  müraciətə isə məhəl qoymurlar.  Kim siyahıyaalınmayıbsa bizim "Qaynar Xəttə" müraciət etsin.  Biz həmin şəxslərin siyahıyaalınmasını təmin edək və bu barədə yerli statistika orqanlarına məlumat verək.  Sayıcılar gedirlər, amma vətəndaş qapını açmır. Onları evə buraxmırlar. Ya da evdə olmurlar. Ancaq nəticə etibarilə bizi günahlandırırlar. Halbuki mənim əlimdə  faktlar var ki, vətəndaş "Qaynar Xətt"ə müraciət edib, sonra biz onun evinə yerli statistika orqanı tərəfindən sayıcını göndərmişik. Bir dəfə sayıcı gedib, komendant onu mənzilə buraxmayıb.  Ondan sonra yenə şikayət ediblər ki,  saymayıblar. Biz yenidən sayıcını göndərmişik. Yenə sayıcı gedib və  binadan içəri buraxılmayıb. Həmin şəxsə zəng etmişik ki, sayıcı qapıdadır. Komendant buraxmır. O, qayıdıb nə desə, yaxşıdır, "hə, indi düşüb buraxdırıram da".

Bəs, sən bilmirsən ki, sənin komendatın sayıcını evə buraxmayacaq?! İndi də durub şikayət edirsən ki, məni siyahıya almayıblar?! Mən bu münasibəti başa düşmürəm. Belə hallarla əsasən paytaxtda rastlaşırıq.  Rayonlarda belə problemlər çox cüzidir".

A. Abasəliyev prosesə metodoloji rəhbərliyi həyata keçirən şəxs olduğunu diqqətə çatdırıb: "Ancaq yerlərdə siyahıyaalmanın həyata keçirilməsi Nazirlər Kabinetinin qərarı ilə yerli yerli statisika orqanlarıyla birlikdə icra hakimiyyətlərinə tapşırılıb. Yerlərdən məlumat ilin sonuna kimi siyahıyaalma qrupuna daxil olacaq. Siyahıyaalma 10 gün ərzində həyata keçirilir. Ancaq buna hazırlıq 2017- ci ildən başlanılıb. 3 illik dövrü əhatə edib. Bu böyük bir prosesdir. Sonrakı dövrdə də  həmin o məlumatlar yerli statisik orqanlar tərəfindən  siyahıyaalma qrupuna təqdim olunacaq".

Qeyd edək ki, siyahıyaalma prosesinə 23, 2 milyon manat vəsait ayrılıb. Sosial şəbəkələrdə əsas narazılıq bu qədər vəsait qarşısında əhalinin bir qrupunun siyahıya alınmaması ilə bağlıdır.

Milli.Az

 
loading...

Şərh yaz:

7 Şərh:

  • Anonim
    Düz · 16 Oktyabr 15:2510

    Evdə olmamaq təbii haldı. Ona görə də xüsusi qruplar yaradılaraq belə evlərə ya axşam, ya da istirahət günləri getməlidirlər.

    Cavab yaz
  • Anonim
    фуф · 16 Oktyabr 15:2710

    Gündüz - iş vaxtı gəlib siyahıya alırlar. Əlbətdəki qapı açılmayacaq, çünki evdə adam olmur.. Hamı işdə olur....

    Cavab yaz
  • Anonim
    mamuska · 16 Oktyabr 16:4511

    is de orasindadir ki,evde olan da ya qapini acmir,ya da ele bil qapisina dilenmeye gelibler.ele aci,tehqiramiz ifadeler soyleyirdiler ki....biz de sayici qisminde cox qapilar doyduk.insan kimi qapi acib suallari cavablandiranlar da oldu,qapini uzumuze cirpan da oldu,indi qonaq gedirik,gece gelersiniz deyen de oldu.hetta kiraye yasayan var idi,3 defe qapisina getdik,birinci defe gelin qapini acdi,dedi yoldasim evde yoxdur.yoldasim gelende gelin.2-ci defe dedi yoldasim indice getdi,3-cu defe gedende ise gece gelecek,onda gelin deyende dedim,ay xanim,bir qapiya uzagi 2 defe gederler.biz 3 defedir gelirik,her defe behane edirsen,olmazmi suallara sen cavab veresen.cavab verdi ki,men hec ne bilmirem.sorusdum ki,erinin ad,soyadini,nece ildir aileli oldugunu, harda islediyini,burda nece muddetdir kiraye yasadiginizi bilmirsen.bilirsiniz bezileri araqarisdiranlarin deyirmanina su tokenlerdir.amma umumilikde sexsen bize tapsirilan erazide insanlar cox feal idiler,ozleri cagirirdilar ki,bize geleceksiniz.

    Cavab yaz
  • Anonim
    F044 · 16 Oktyabr 19:5020

    Bakını başa düşdük komendant buraxmadı, bəs rayonda tanişlar ver onlari da saymaylblar axi buna ne deyecekler göresen :))

    Cavab yaz
  • Anonim
    Ulya · 16 Oktyabr 22:1800

    Bizim evdə daim kimsə var. Amma qapımız heç döyülmədimdə...

    Cavab yaz
  • Anonim
    Memmedli · 16 Oktyabr 22:3900

    Bizdə geldiler.. çay meyve süfreside acdim hele olarcn

    Cavab yaz
  • Anonim
    Adil · 17 Oktyabr 10:0600

    Yalan danışanda da elə danış ki.heç olmasa əndazəni keçməsin.Mən Ş.Mehdiyev küçəsində yerləşən 97a saylı binada yaşayıram.Binamızda 144 mənzil vardır.Siyahıya almaq üçün bir mənzilin də qapısı döyülməyib. Qonşu 97,95,95a binaların sakinlərinin bildirdiyinə görə onlara da siyshıysalma ilə əlaqədar heç kim müraciət etməyib.Suraxanı rayonunda yaşayan qohum - qardaşlarım da eyni sözü deyir.Heç olmasa kişi kimi deyin ki,siyahıyaalma aparılmayıb,yaxud da yarıtmamışıq.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.