Cəmiyyət

"Tur Heyerdal və Azərbaycan" mövzusunda beynəlxalq elmi-praktiki konfrans başa çatıb

29 Oktyabr 2011 19:39

Baxış: 2 747

VTB-də minimal faiz dərəcəsi ilə nağd kredit 9.9%-dən

#AZERBAİJAN #NORWAY

Azərbaycan Dillər Universitetində (ADU) bu ali təhsil müəssisəsinin və Norveçin Oslo Universitetinin birgə təşkilatçılığı ilə Azərbaycanın dövlət müstəqilliyinin bərpasının 20, Oslo Universitetinin yaradılmasının 200, məşhur Norveç səyyahı, yazıçısı və alimi Tur Heyerdalın Azərbaycana ilk səfərinin 30 illiyi münasibətilə keçirilən "Tur Heyerdal və Azərbaycan" mövzusunda beynəlxalq elmi-praktiki konfrans oktyabrın 29-da başa çatmışdır.

AzərTAc xəbər verir ki, dörd gün davam edən konfrans beş bölmədə - "Heyerdalın müxtəlif aspektlərdən tədqiq edilən işi", "Odin nəzəriyyəsi"- metodologiya və müxtəlif yanaşmalar", "Tur Heyerdal. Təqdimat", "Heyerdalın Odin nəzəriyyəsinin tarixçəsi", "Odin nəzəriyyəsi"- Arxeoloji sübut" bölmələrində keçirilmişdir.

İclasda Azərbaycan alimləri ilə yanaşı, Gürcüstan, Rusiya və Norveçin alim və mütəxəssisləri mövzuya dair məruzələrlə çıxış etmişlər.

Tədbirdə "Tur Heyerdal və Azərbaycanda arxeologiya", "Heyerdal müəllif kimi", "Tur Heyerdal və udinlər", "Tur Heyerdalın Azov işi", "Tur Heyerdal. Dünya mədəniyyətinin korifeyi", "Snorri və Odin nəzəriyyəsinin mənşəyi", "Skandinav və Azərbaycan epik poeziyası: müqayisəli qeydlər", "Dərin melodiyalar: Azərbaycan və Norveç xalq musiqisi arasında əlaqə axtarışı" və digər mövzularda ümumilikdə 30 məruzə dinlənilərək müzakirə edilmişdir.

Konfrans çərçivəsində Azərbaycan və ingilis dillərində "Tur Heyerdal: sərhədləri aşaraq, dənizləri aşaraq-Azərbaycanla əlaqələr", "Tur Heyerdal: alim, macəraçı, insan" və "Tur Heyerdal: Adəmin izləri ilə, xatirələr" kitablarının təqdimatı keçirilmişdir.
Konfransın materialları toplu şəklində çap olunacaqdır.

Milli.Az