Cəmiyyət

Orucu pozan və pozmayan halların SİYAHISI

8 May 2019 23:24
0 Şərh     Baxış: 6 070
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Ramazan ayında bir çox inanclı insan oruc tutur.

Milli.Az ölkə.az-a istinadən bildirir ki, oruc tutanları ən çox maraqlandıran mövzulardan biri də orucu pozan və pozmayan vəziyyətlərdir. Məsələ ilə bağlı kiçik yazını oxucularımızla bölüşürük.

1.Qusmaq orucu pozurmu?

Din alimlərinin açıqlamasına əsasən, qəflətən qusmaq orucu pozmur. Amma insanın öz istəyi və ya müdaxiləsi ilə gələn qusma orucu pozur. Eyni zamanda qusduğu üçün orucunun pozulduğunu düşünən və bu səbəbdən yemək və içməyə davam edən şəxslərin də orucu pozulur. Belə halda bir gün qəza orucu tutmaq lazımdır.

2.Bəlğəm udmaq orucu pozurmu?

Oruc tutan şəxslərin bəlğəmini udması problem deyil. Bununla oruc pozulmaz. 

3.Diş fırçalamaq

Diş fırçalamaq orucu pozmur. Diş pastası və ya su boğazdan keçsə, bu zaman oruc pozulur, qəza orucu tutmaq lazım olur. Bu səbəbdən də ən yaxşısı sahurdan əvvəl və iftardan sonra fırçalamaq məsləhət görülür.

4.Ürəyi gedənlərin orucu pozulur?

Ürəyi getmək yuxuya getmək kimi bir şeydir. Gün ərzində uzun və ya qısa müddət ərzində ürəyi gedənlərin orucu pozulmaz. Amma ürəyi gedən şəxsi ayıltmaq üçün ona su veriblərsə və ya özü ayıldıqdan sonra su və dərman içibsə, orucu pozulur.

5.Epilyasiya orucu pozur?

Din alimləri bildirirlər ki, bədəndəki tüklərin istənilən yolla təmizlənməsi orucu pozmur.

6.İynə vurdurmaq orucu pozarmı?

Oruc yemək, içmək və cinsi əlaqəyə girməklə pozulur. Bu səbəbdən qida dəyəri olmayan bəzi şeylər orucu pozmur. Müalicə olunan şəxslər müalicə bitənə qədər orucu təxirə sala bilərlər.  Amma əgər oruc tuturlarsa, iynələrini iftardan sonra vurdursalar yaxşı olar.

7.Qan vermək orucu pozurmu?

Qan vermək orucu pozmaz. Peyğəmbərimiz də oruclu olduğu vaxt qan aldırıb. Bundan başqa Məhəmməd Peyğəmbər deyib: "Üç şey orucu pozmaz: qan aldırmaq, qusmaq və cünub olmaq".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.