Cəmiyyət

Bakı-Yessentuki-Kislovodsk avtobus reysi həyata keçirilir - Hər həftə

24 Sentyabr 2018 17:52

0 Şərh Baxış: 2 749

VTB-də minimal faiz dərəcəsi ilə nağd kredit 9.9%-dən

#CƏMİYYƏT #AVTOVAĞZAL

Hər həftənin 4-cü günü Bakı vaxtı ilə saat 10:00-da Bakı Beynəlxalq Avtovağzal Kompleksindən (BBAK) Bakı-Yessentuki-Kislovodsk avtobus reysi həyata keçirilir.

Milli.Az bildirir ki, BBAK-dan Trend-ə verilən məlumata görə, avtobusun Kislovodsk şəhərinə çatma vaxtı növbəti gün saat 9:00-dır. Avtobusun Kislovodskdan geriyə yola düşmə vaxtı bazar günü saat 12:00, Yessentukidən yola düşmə vaxtı isə 13:00-dır.

Biletin bir istiqamətə qiyməti 70 AZN təşkil edir.

Bakı-Yessentuki-Kislovodsk reysinin biletlərinin satışı həm kassadan, həm də onlayn şəkildə həyata keçirilir. Sərnişinlərdən xahiş olunur ki, biletləri mütləq şəkildə onlayn qaydada və ya BBAK-ın kassalarından əldə etsinlər.

BBAK-dan hərəkət etməyən beynəlxalq istiqamətlərə sərnişin daşıyan avtobuslara görə kompleks məsuliyyət daşımır.

5 yaşınadək uşaqlar üçün gediş haqqı (oturacaq verilməmək şərti ilə) pulsuzdur. 5 yaşından on yaşınadək uşaqlar üçün isə biletin qiymətinin 50%-i ödənilir.

Sərnişinlərin istəyinə uyğun olaraq, beş yaşınadək uşaqlar üçün də bileti yarı qiymətinə əldə etmək mümkündür.

Sərnişinlərimizin rahatlığı üçün müasir standartlara cavab verən geniş salonlu və rahat oturacaqlı avtobuslar fəaliyyət göstərəcək. Eyni zamanda sərnişinlərin yol boyu çay və kofe ilə təmin olunması nəzərdə tutulub.

Qeyd edək ki, sərnişin sıxlığı çox olarsa, əlavə reys açıla bilər.

Ətraflı məlumat əldə etmək üçün (012) 406 01 58, (012) 406 01 59 telefon nömrələri vasitəsilə əlaqə saxlaya bilərsiniz.

Milli.Az