Cəmiyyət

Qalın və qüsursuz saçlara bu üsulla sahib olun

14 Sentyabr 2018 20:48
0 Şərh     Baxış: 1 732

Saçların keyfiyyətsiz boyalarla rənglənməsi, kimyəvi əlavələrlə zəngin vasitələrlə burulması və ya düzləşdirilməsi onun tökülməsini sürətləndirir.

Milli.Az axşam.az-a istinadən saçlarınızın tökülməsinin qarşısını alan və qalınlaşdıran bir neçə məsləhəti təqdim edir:

Yatmazdan əvvəl başın dərisini masaj edin. Bunun üçün xüsusi masaj daraqları da ala bilərsiniz. Masaj başın dərisinin qan dövranını yaxşılaşdıracaq. Nəticədə saçların kökləri xeyli vitamin qəbul edəcək.

Müntəzəm olaraq saça qulluq üçün nəzərdə tutulan maskalar da etmək olar. Lakin saç üçün maska, şampun və başqa vasitələr seçdikdə keyfiyyətlisinə üstünlük verilməlidir. Ən yaxşısı - təbii maskalar düzəltməkdir. Həm də təbii yolla düzələn maskalar daha effektiv olur. Saça parıltı və gözəllik verən, misal üçün, zeytun yağı və yumurta sarısından hazırlanan maska tətbiq edə bilərsiniz. Bunun üçün 1 çay qaşığı zeytun 

yağını, 1 yumurta sarısını, 1 çay qaşığı limon suyunu qarışdırıb saçın dibinə sürtüb 1-2 saat saxlayıb yuyun. Saçın tökülməsinin qarşısını almaq üçünsə, 1 litr qaynadılmış suya 2 xörək qaşığı bal əlavə edib başın dərisinə massaj edərək sürtmək olar. Aloye bitkisinin suyu da saç tökülməsinə qarşı çox effektivdir. Aloyenin suyunu hər gün başın dərisinə çəkib, üstündən xüsusi yuyunmaq üçün olan papaq geyinib bir saat saxlayın.

Saçın sağlamlığı üçün yumurta sarısı ilə olan maskalar çox xeyirlidir. 2 yumurta sarısını, 1 xörək qaşığı bal, konyak və gənəgərçək yağını blenderə əlavə edib qarışdırın. Alınan qarışığı nəm saçlara çəkib başınızı isti bir şeylə bağlayıb 1 saat saxladıqdan sonra yuyun. Xardalın əlavə olunması ilə hazırlanan maskalar da saça çox xeyirlidir. 1 yumurta sarısını 1 xörək qaşığı xardalla qarışdırıb saça çəkib yarımsaat saxlayın.

Saçlarınızı bitkilərdən dəmləmiş suyu ilə yaxalamaq olduqca faydalıdır. Bunun üçün çobanyastığı, gicitkan bitkilərini dəmləmək olar. Saça qulluq üçün ən rahat üsul isə şampunlara meyvə və badam yağının əlavə olunmasıdır.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.