Cəmiyyət

Bakıda "Tur Heyerdal və Azərbaycan" mövzusunda elmi-praktiki konfrans keçiriləcək

2 Sentyabr 2011 11:28

Baxış: 954

VTB-də minimal faiz dərəcəsi ilə nağd kredit 9.9%-dən

#AZERBAİJAN #NORWAY

Azərbaycan Dillər Universiteti (ADU) və Norveçin Oslo Universiteti oktyabrın 26-dan 29-dək Azərbaycan Respublikasının dövlət müstəqilliyinin bərpasının 20, Oslo Universitetinin 200 və məşhur Norveç səyyahı, yazıçısı və alimi Tur Heyerdalın Azərbaycana ilk səfərinin 30 illiyinə həsr olunmuş "Tur Heyerdal və Azərbaycan" mövzusunda elmi-praktiki konfrans keçirməyi planlaşdırır.

ADU-dan AzərTAc-a bildiriblər ki, konfransda "Tur Heyerdalın Azərbaycan və region haqqındakı nəzəriyyələri və bunların tarixi və nəzəri cəhətdən dəyərinin müzakirəsi", "T.Heyerdalın Azərbaycana səfərləri", "T.Heyerdalın iki ölkə arasında yaxşı münasibətlərin qurulmasında vacib rolu" mövzuları müzakirə olunacaq.

Tezislər sentyabrın 10-dək, məqalələr isə sentyabrın 30-dək qəbul olunur.

Konfrans Azərbaycan və ingilis dillərində keçiriləcə.

Azərbaycan dilində tezis və məqalələr [email protected] və [email protected] ünvanına, ingilis dilində tezis və məqalələr [email protected] elektron ünvanlarına göndərilməlidir.

Ətraflı məlumatı ADU-nun saytından əldə etmək olar.

Milli.Az